Ndiéjunʼ rí eyoo Dios rá.

Dios nandoo rí makuwáanʼ tsímáá kámuu mbiʼi ga̱jma̱a̱ rí makuwáanʼ gagi náa ku̱ba̱ʼ mitsaan.

Mbáa ikháánʼ natatsaʼwáminaʼ: “Xú gándoo gáʼni gajkhun rúʼko̱ rá.” Biblia naʼthí gajkhun rí Reino ndrígóo Dios maʼni rúʼko̱. Bi̱ Niʼniáanʼ nandoo rí xa̱bu̱ bi̱ kuwa náa xúgíʼ numbaaʼ mudxawíín ga̱jma̱a̱ numuu Reino ma̱ngaa rí wíji̱ maʼni nda̱wa̱á náa xa̱bu̱ numbaaʼ (Salmo 37:11, 29; Isaías 9:7).

Dios nandoo rí makuwa májánʼ.

Xóo mbáa xa̱bu̱ bi̱ májánʼ a̱jkiu̱u̱n nandoo rí e̱ji̱i̱n makuwá májánʼ, xúʼko̱ má Anu̱lú bi̱ xtáa mekhuíí nandoo rí makuwáanʼ gagi kámuu mbiʼi (Isaías 48:17, 18). Ikhaa nakudaminaʼ “su nani ri nando Dios [maxtáa] kamu mbiʼji” (1 Juan 2:17).

Dios nandoo rí majngruigaloʼ náa kambo̱o̱.

Náa Biblia naʼsngáa rí Jeobá bi̱ Niʼniáanʼ nandoo maʼsngalo ga̱jma̱a̱ numuu kambo̱o̱ mu xúʼko̱ majngruigaloʼ ikhí (Isaías 2:2, 3). Jeobá niʼñún organizar “xabo tsi muni mba mbiʼyu” mu xúʼko̱ majmaʼnuʼ rí nandoo ikhaa náa xúgíʼ tsu̱du̱u̱ Ku̱ba̱ʼ (Hechos 15:14).

Dios nandoo rí mbuʼyamajkuíí mbá kambáxalóʼ.

Religión bi̱ naʼsngáa rí gajkhun na̱nguá erkuájinʼ xa̱bu̱, ikhiin nuruwi̱i̱n xa̱bu̱ mu maʼndún kuyamijná rí phú gajkhun (Juan 13:35). Tsíin ñajúnʼ bi̱ nusngúún xa̱bekha ga̱jma̱a̱ go̱ʼo̱ náa xúgíʼ numbaaʼ mu muni ñajunʼ Dios mbá kambáxuun rá. Nutha̱nʼxo ma̱ta̱ya̱a̱ náa folleto rígi̱.

MU MA̱TA̱YA̱A̱ ITHÁAN

Atatsigajmaa Biblia ga̱jma̱á ni̱ndxa̱xoʼ. Lá xtaa ratanigajmaa Biblia gajmiáanʼ bi̱ nutaraʼa numuu Jeobá ráʼ. Á mu xóó tsitani, lá naniguaʼ musngááʼ ga̱jma̱a̱ numuu Biblia ráʼ. Xúrumán rí musngááʼ. Ikháánʼ ma̱ta̱ya̱a̱ dí rígi̱ maʼga̱ kañán maraxtaa itháan mijngii náa Dios.

Atanda̱ʼa̱ i̱yi̱i̱ʼ rí na̱nguá xtango̱jo̱o̱. Mandoo mi̱dxu̱ʼ náa Guʼwá dí nagimbíin bi̱ nutaraʼa numuu Jeobá ma̱ngaa maratamíjná ga̱jma̱ʼ mbáa dí ikhiin mu matanda̱ʼa̱ mbá i̱yi̱i̱.

Atatsinuwáanʼxo náa Internet. Atambaʼtaa ináa rí phú kiejunʼ ndrígáxoʼ, dí rígá náa Internet náa ma̱ndoo matraxnuu Biblia ga̱jma̱a̱ ikhí má gándoo matani imprimir mbaʼa i̱yi̱i̱ʼ rí nonexo itháan rí mbá 750 ajngáa.