KÍXNUU 10

Atriʼkhuíí aʼwá

Proverbios 8:4, 7

RÍ NAGÁJNURIYOʼ: Arathá kaʼwu rí na̱ʼkha̱ raʼthí ga̱jma̱a̱ ataxkaxi̱i̱ a̱jkiu̱ún índo̱ gátriʼkuíí nguáthá gakhi̱i̱ gárata, nguáthá nacha̱ gárata ga̱jma̱a̱ índo̱ gátriʼkhuíí xóo maratha.

XÚ KÁʼNII GÁTANI:

Atriʼkhuíí nguáthá gakhi̱i̱ gárata. Ataxúxi̱ aʼwáʼ mu maratha rí gíʼdoo numuu mu mambáñún bi̱ kuwa ikhí. Xúʼko̱ má gátani índo̱ gátra̱xnuu textos ndrígóo Biblia náa na̱ʼkha̱ raʼthí rí guguáʼníí bi̱ ra̱míjínʼ. Ataxruigúu aʼwáʼ mu matani rí mamiñún o mu maʼni maxmiéjunʼ.

Xárata gakhi̱i̱ wéñuʼ mu bi̱ kuwa rudxawanʼ xakumu̱ún rí xtáá ratríñún. Xátriʼkhuíí wéñuʼ aʼwáʼ.
Atriʼkhuíí aʼwáʼ. Á mu náa ajngáaʼ nawáán májánʼ, ataxuxi̱i̱ itháan aʼwáʼ mu maratha ga̱jma̱a̱ gagi, mu maratha nguáthá mba̱a̱ nindxu̱u̱ o nguáthá mbaaʼ. Ataxruigúu aʼwáʼ mu maratha gíná o rí naxmiéjuanʼ.
Atriʼkhuíí xóo maratha. Arathá itháan nacha̱ á mu nandaʼ maratha ga̱jma̱a̱ gagi. Arathá itháan mañuu índo̱ gárata rí gíʼdoo numuu.

Mú xátani maʼniún tsiánguá bi̱ kuwa rudxawanʼ, xátríʼkuíí mbá nacha̱ aʼwáʼ. Xárata nacha̱ wéñuʼ mu mawáán kaʼwu rí naratá.