Náa nagiʼdu̱u̱

NÁA NUMUU DÍ NAGUMÁ I̱YI̱I̱ʼ RÍGI̱ RÁ.

Jeobá Dios naʼthúu̱n xa̱bi̱i̱ rí gíʼmaa mbuyáaʼ ku̱ma̱ ga̱jma̱a̱ dí mundxaʼwáá májánʼ edxu̱ún xóo “rí gíʼdoo wéñuʼ numuu dí karkaʼwu” (Prov. 2:1-5). Mú ma̱ndoo muʼni rúʼko̱, gíʼmaa muʼni tsiakimijna mu muxkamaa xóo gáxti̱ʼña̱a̱ graxe̱ dí nuʼni ga̱jma̱a̱ numuu Biblia ma̱ngaa náá gándoo muxkamaa rí mambáyulúʼ. Ikha rí munigajmaa xa̱bi̱i̱ Jeobá niguma májáánʼ mu mambáyaʼ mataʼyááʼ rúʼko̱.

Ikha rí munigajmaa na̱nguá nindxu̱u̱ mbóo índice náa na̱ʼkha̱ kuduun xúgíʼ temas ndrígóo mámbá i̱yi̱i̱ʼ ndrígúlú. Mú, náa mámbá tema na̱ʼkha̱ i̱yi̱i̱ʼ náa na̱ʼkha̱ dí nigájnuu xíjkhoo dí nijuiʼtájuíi náa ajngáa Me̱ʼpha̱a̱, mú itháan dí nigájnuu nákha tsiguʼ 2007 ga̱jma̱a̱ nda̱wa̱á dí tsiguʼ rúʼko̱.

XÚ KÁʼNII GÚʼYÁAʼ

Atayáá náa Rí na̱ʼkha̱ náa xúgíʼ libro dí na̱ʼkha̱ náa imbo̱o̱ iná ga̱jma̱a̱ atraʼwíí mbá tema náa káʼnii ma̱ʼkha̱ dí xtáá ratayáaʼ. Mbáa mbaʼyóoʼ mataʼyááʼ itháan dí mbá tema mú mataxkamaa dí nandaʼ. Edxu̱u̱ dí ma̱jkha̱ʼ dí na̱ʼkha̱ náa agoo mámbá tema mambáyaʼ mataxkamaa nacha̱.

Nda̱wa̱á, ayuʼ náa ináa dí naʼtháanʼ; ikhí gátaxkamaa tema ga̱jma̱a̱ edxu̱u̱ dí ma̱jkha̱ʼ dí xtáá ratayáaʼ. Ga̱jma̱a̱ nakujmaa mbá lista náa na̱ʼkha̱ edxu̱u̱, ma̱ndoo matraʼwíí artículos o capítulos dí nanigua̱ʼ ga̱jma̱a̱ mataʼyááʼ náa xtaʼdáá libros ndrígáʼ, náa formato electrónico o náa guáʼdáá libros dí rígá náa Guʼwá nagimbáanʼ. Garmáʼáan a̱jkia̱a̱nʼ: Maski ajndu nakujmaa dí tikhu edxu̱u̱ tsembánii ga̱jma̱a̱ tema dí nagi̱ʼdu̱u̱ mú náa artículo gíwanʼ raʼthí ga̱jma̱a̱ numuu rúʼko̱.

Á mu xtáá ratayáaʼ xóo káʼnii eyoo gáʼthi mbóo texto ndrígóo Biblia, ayuʼ náa sección náa naʼthí “Lista náa na̱ʼkha̱ textos ndrígóo Biblia”. I̱ndó versículos dí nigájnuu xóo káʼnii eyoo gáʼthi na̱ʼkha̱ náa lista rígi̱.

Garmáʼáan a̱jkia̱nʼ, ikháánʼ xtáá ratayáaʼ “rí gíʼdoo wéñuʼ numuu dí karkaʼwu”, mu mataxkamaa ndayóoʼ mbiʼi ga̱jma̱a̱ tsiakii. Ikha jngó gaʼngo̱o̱ a̱jkia̱nʼ ga̱jma̱a̱ mataxkamaa dí maxtiʼña̱a̱ o ikha dí na̱nda̱ʼa̱. Índo̱ itháan ga̱jma̱ʼ Ikha rí munigajmaa, itháan ra̱mingíjyúuʼ gátaxkamaa rí nda̱yáaʼ. Atayáá májánʼ dí Jeobá gaʼni tsajkurámuʼ tsiakii dí natani ga̱jma̱a̱ mambáyaʼ rí majmañaaʼ ga̱jma̱a̱ rí makruaʼaʼ májánʼ (Prov. 2:6; 4:5).

TSINAʼ RÍ KAXTAʼWÍÍ:

❐ = Náa na̱ʼkha̱ mbaʼa artículo

cap. = Capítulo

12/2004 = Gu̱nʼ/tsiguʼ

2/1/2010 = Mbiʼi/gu̱nʼ/tsiguʼ