Índice

Asndu nákha ginii nigiʼdoo wéñuʼ numuu rí muʼni ajmúú mu mbuʼyamajkuíí Dios. Mú mbáa tikhun natiñu̱nʼ muni mba̱a̱ Jeobá náa inún mbaʼin xa̱bu̱. Xú káʼnii gándoo muʼni mu ní xátiyulú rá. Náa artículo rígi̱ na̱ʼkha̱ raʼthí náa numuu gíʼmaa muʼni ajmúú ga̱jma̱a̱ gagi ga̱jma̱a̱ naxnúlú tikhuu ikha rí xú káʼnii gándoo muʼni̱i̱ májánʼ aʼwúlú.

Ma̱ndoo majmañulúʼ tikhu ikha rí gíʼdoo numuu ga̱jma̱a̱ numuu xuajin náa numbayúmíjná nákha wajyúúʼ náa Israel. Náa timbá artículo, mbuʼyáá xú káʼnii rí mbiʼi xúgi̱ gándoo mumbayúmíjná náa Jeobá bi̱ nixudami̱jna̱ aʼkhá gakhi̱i̱. Náa raga̱jma̱, mbuʼyáá xú káʼnii xkri̱da ndrígóo Jeobá nambáyulúʼ muʼni mba̱a̱ a̱jkiu̱lú, mbuʼyamajkuíí vida ga̱jma̱a̱ muʼni rí jmbu.

Náa a̱jma̱ artículo rígi̱ mbuʼyáá rí Pablo niʼnirámáʼ náa inún cristianos bi̱ nikuwa náa Colosas. Náa timbá naʼthí ndiéjunʼ gúʼni índo̱ guʼdxawíín ku̱ma̱ ndrígóo numbaaʼ rí ma̱ndoo makujmaa naʼgui̱i̱ ga̱jma̱a̱ asndu xóo gajkhun. Raga̱jma̱ naʼni marmáʼáan a̱jkiu̱lú ndiéjunʼ gíʼmaa muʼni mu muʼni gaʼduunʼ rí xániñulú muguaʼdáá rí Jeobá nikudaminaʼ.