Índice

Ndiéjunʼ gándoo gúʼni índo̱ naxmiéjunlú ga̱jma̱a̱ numuu xkujndu rí nuraʼníí rá. Artículo naʼthí ga̱jma̱a̱ numuu texto rí majmaa tsiguʼ 2018 ga̱jma̱a̱ naʼthúlúʼ náa numuu rí gíʼmaa muniʼñáʼ rí Jeobá maxnúlúʼ tsiakii ga̱jma̱a̱ xú káʼnii gáʼni.

Tsiguʼ rígi̱, mbóo mbiʼi sábado 31 ñajunʼ gu̱nʼ marzo tsiguʼ 2018 majmaku̱ma̱a̱ rí nikháñu Cristo. Xú káʼnii gándoo muʼniratamijná mu makuwáanʼ ikhí ga̱jma̱a̱ xú káʼnii gándoo gambáyulú rá. Ga̱jma̱a̱ xú káʼnii rígi̱ nayambáá mu xa̱bi̱i̱ Dios makuwa mbá kajui̱i̱n náa xúgíʼ tsu̱du̱u̱ numbaaʼ rá. Náa artículo rígi̱ maxtiʼña̱a̱ graxe̱ rígi̱.

Xúgíʼ rí kuaʼdáá na̱ʼkha̱ náa Jeobá. Mú ikhaa gíʼthu̱u̱n rí majmulúʼ rígi̱ mu mumbáyii xuajñu rí mbiʼi xúgi̱. Náa artículo rígi̱ naʼthí náa numuu ga̱jma̱a̱ xú káʼnii embáyulú rí mbuʼyamajkuíí Jeobá ga̱jma̱a̱ rí kuaʼdáá, xóo rí gíʼdoo numuu.

Náa artículo rí ninújngoo naʼthí rí á mu nandulúʼ kuʼyáá Dios rígi̱ gáʼni rí makuwáanʼ tsímáá, raʼkháa xóo tikhu ngajua rí nindxu̱u̱ minduwaʼ náa “iwáá mbiʼi” rígi̱ (2 Tim. 3:1). Náa raga̱jma̱ nasngájma náa numuu rí xa̱bi̱i̱ Dios ni̱ndxu̱ún mixtiʼkuiin wéñuʼ ki xóo mbaʼin xa̱bu̱.