Ayuʼ gáta̱ya̱a̱ mbá nachaá xa̱bu̱ bi̱ nandoo majmañuu

Asndu nákha niguma ináa ndrígóo Internet, ra̱ʼkhá tháán mbaʼin wéñuʼ xa̱bu̱ e̱nda̱ʼa̱ miʼsngúún ga̱jma̱a̱ numuu Biblia. Ma̱ngaa i̱ʼwáʼ nuxi̱ʼ rí xú miʼtáraʼa náa xúgínʼ xa̱bu̱ naʼni rí maʼga̱ rajoo má xúʼko̱. Náa sucursal nariʼña̱a̱ nacha̱ solicitud. Á mu na̱jkha̱nú náa jw.org, sucursal ndajyúuʼ a̱jma̱ mbiʼi mu mariʼña̱a̱ náa a̱ngiu̱lú bi̱ kuya̱ edxu̱u̱ náa congregación rí kaʼyoo maʼga̱. Mú na̱ʼkha̱nú informe rí nguáná nanújngoo xmáná asndu índo̱ mbáa bi̱ naʼtáraʼa na̱jkha̱ gáʼyoo mbáa bi̱ ninda̱ʼa̱ miʼsngáá ga̱jma̱a̱ numuu Biblia. Xú káʼnii gándoo gúʼyáá rí xa̱bu̱ buʼko̱ magún gúyáá nákha xóó ikhaa nandoo majmañuu rá. (Mar. 4:14, 15.)

Á mu mbáa xa̱bu̱ na̱nguá xtáa náa territorio ndrígóo congregación nandoo maʼdxun, atani majtíí nacha̱ náa formulario Sírvase visitar (S-43) ga̱jma̱a̱ araxnáxi náa secretario índo̱ gárígá reunión. Nda̱wa̱á, rí maʼni a̱jma̱ e̱jkha̱ ikhaa maxnáxi̱i̱ formulario náa congregación rí kaʼyoo o maxnáxi̱i̱ náa jw.org náa naʼthí Congregación náa sucursal rí kaʼyoo. Ma̱ngaa, a̱ngiu̱lú bi̱ kuya̱ edxu̱u̱ ndayóoʼ mbuyáá tsejtsí mbiʼi ináa ndrígóo Internet. Á mu najuiʼthún rí mbáa xa̱bu̱ nandoo rí maʼga̱ gáʼyoo mbáa bi̱ naʼtaraʼa, gíʼmaa rí magún gúyáá nacha̱. Ga̱jma̱a̱ publicador bi̱ gáʼga gáʼyoo xa̱bu̱ gíʼmaa rí maʼga̱ nacha̱ wéñuʼ. Á mu xa̱bu̱ bi̱ na̱dxu̱ʼ gátaʼyáaʼ náa goʼwóo nda̱wa̱a̱, ma̱ndoo matatsiʼñánʼ mbá nota náa matagíʼma mbiʼyaaʼ, teléfono ndrígáʼ ga̱jma̱a̱ náa xtaa.