Dí nagájnuriyoʼ itháan náa najuiʼtaraʼa

Ináa ndrígóo Internet jw.org nayambáá wéñuʼ mu miʼtáraʼa náa “xuguinʼ xabo”, nákha xóó naguanúu ilájuíin mbiʼi rí ma̱ʼkha̱ fin (Mat. 24:14). Mbá rí najmaa wéñuʼ náa Internet nindxu̱u̱ “Atanda̱ʼa̱ rí musngááʼ ga̱jma̱a̱ numuu Biblia”. Nadxuxu muʼthála rí mámbá gu̱nʼ nundríguxu mbaʼa wéñuʼ solicitud rí na̱ʼkha̱ náa xúgíʼ xuajen. Mbá xkri̱da, i̱ndó gu̱nʼ marzo, ninda̱ʼa̱ mbá 2,259 xa̱bu̱ rí maʼga̱ gáʼñún mbá bi̱ naʼtáraʼa numuu Jeobá, rígi̱ nandoo gáʼthi rí ni̱ʼkha̱nú mbá 75 solicitud ndrígu̱ún xa̱bu̱ rí mbá mbiʼi. Lá tséxkaxáanʼ rígi̱ rí muʼthúún má xúʼko̱ xa̱bu̱ rí majmúún jw.org mu maguánu muniʼniiʼ Jeobá ga̱jma̱a̱ xúʼko̱ makhánun rí makuwa kámuu mbiʼi rá. (Juan 17:3.)