Gajmulú jw.org náa nuʼtáraʼa: “Preguntas sobre la Biblia”

Náa jw.org, agoo náa naʼthí “Enseñanzas bíblicas”, ikhí na̱ʼkha̱ mbá rí nagumbiʼyuu “Preguntas sobre la Biblia”. Rí naʼthí ikhí mambáyulúʼ wéñuʼ náa muʼtáraʼa, á mu mbáa naʼniulú graxe̱ rí na̱ʼkha̱ náa ináa rígi̱, ma̱ndoo musngajmá ináa ndrígóo Internet mu maxtiʼña̱a̱ graxe̱ ndrígóo. Ma̱ngaa ma̱ndoo majmuluʼ graxe̱ rúʼko̱ mu mugíʼdi̱i̱ mutamíjná gajmiúlú xa̱bu̱. Mbá xkri̱da, ma̱ndoo muraʼwíí mbá rí manigu̱ʼ maʼdxun bi̱ na̱jkua̱ gúʼtaraʼa, munda̱ʼa̱ maʼthúlú rí endxa̱ʼóo edxu̱u̱ ga̱jma̱a̱ nda̱wa̱á muʼthán rí eʼthí náa Biblia xó má esngájmulú náa jw.org. Nda̱wa̱á ma̱ndoo muʼthán rí i̱yi̱i̱ʼ rígi̱ nixkamaa náa jw.org ga̱jma̱a̱ musngajmá ináa ndrígóo Internet. Imbo̱o̱ rí ma̱ndoo matani nindxu̱u̱ dí maratha̱a̱n maguxnuu mbájmbu náa ináa. A̱ʼgiu̱u̱ mbáa superintendente viajante nambáyúu índo̱ naʼthí: “Mbaʼin xa̱bu̱ nuraximíjna̱ á mu Dios gíʼdoo aʼkhúun ga̱jma̱a̱ numuu tsingíná dí rígá. Lá manigua̱ʼ ma̱ta̱ya̱a̱ rí maxtiʼña̱a̱ ráʼ. Xájyúuʼ asndu mbá minuto”. Ikhú nagrígu aʼwá ndrígóo i̱yi̱i̱ʼ rí nigixi̱i̱, dí nirigu náa jw.org ga̱jma̱a̱ celular ndrígóo, ga̱jma̱a̱ nda̱wa̱á nasngájmuu capítulo 11 ndrígóo libro Enseña.