Gagajnulú nacha̱ gúʼtaraʼa

Índo̱ nduʼñún a̱ngiu̱lú náa nagimbáanʼ mu magajnulúʼ gúʼtaraʼa, gajkhun má rí nandulúʼ muʼtamíjna gajmiúlú. Mú, índo̱ gámbá reunión, gíʼmaa mu̱ʼgua̱ nacha̱ náa territorio, numuu rí ndayóoʼ muʼtáraʼa nacha̱ (2 Tim. 4:2). Á mu ndajyúlúʼ, xarigá mba̱yu̱ʼ mbiʼi muʼtáraʼa. Ga̱jma̱a̱ á mu nundxa̱ʼwa̱míjna̱ májánʼ, ma̱ndoo muʼtámíjná gajmiúlú bi̱ na̱jkua̱ índo̱ kuwáanʼ má ruʼtáraʼa. Á mu naguʼunlu magajnulúʼ nacha̱ gúʼtaraʼa, musngajmá rí nuñajunʼ májánʼ ga̱jma̱a̱ rí nuñajunʼ xóo yumbáá náa Jeobá ga̱jma̱a̱ náa Jesucristo (Rom. 12:11).