Dí rígá muʼdxawíín

◼ I̱yi̱i̱ʼ rí mixná gu̱nʼ Junio: Libro ndrígóʼ náa na̱ʼkha̱ raʼthí ga̱jma̱a̱ numuu Biblia o tratado rígi̱: Tsáa phú eʼtáñajunʼ náa numbaaʼ rá. Lá maʼga̱nú mbóo mbiʼi rí ní xakuwáanʼ tsingíná rá. Lá ma̱ndoo matangi̱i̱n makuwá mbu̱júu̱ xa̱bu̱ bi̱ nikháñun ráʼ. Julio ga̱jma̱a̱ Agosto: Ajngáa rí májánʼ na̱ʼkha̱ náa Dios o folleto rígi̱: Ma̱ndoo makuwáanʼ gagi mbá guʼwáanʼ, Atadxawíín Diúu̱, Atadxawíín Diúu̱ ga̱jma̱a̱ araxtaa kámuu mbiʼi. Septiembre: Revista Bi̱ Nayejngoo o tratado rígi̱: Ndiéjunʼ nindxu̱u̱ Reino ndrígóo Dios rá. Ndiéjunʼ eyóóʼ mu makuwáanʼ gagi náa mbá guʼwáanʼ rá. Xú káʼnii tayáá Biblia ikháánʼ rá.

◼ Xúgíʼ tratado ga̱jma̱a̱ invitación dí nijuixnún xa̱bu̱ o dí naguanúu náa guʼwá náa nda̱wa̱a̱ nimbáa, gíʼmaa maʼga̱ náa i̱yi̱i̱ʼ náa nagumaraʼmáʼ índo̱ nagún mámbá guʼwá rí nuxnáxi̱ mámbá gu̱nʼ náa naʼthí “Folletos ga̱jma̱a̱ tratados”. Atanitsiakimínáʼ mi̱dxu̱ʼ gátañu̱u̱n xa̱bu̱ bi̱ ninigu̱nʼ mudxawíín ga̱jma̱a̱ bi̱ nundrigú i̱yi̱i̱ʼ, maski ajndu i̱ndó tratado.

◼ Mámbá tsiguʼ bi̱ kuya̱ edxu̱u̱ gíʼmaa mbuyáá gajmiún bi̱ kuwa náa congregación dí na̱ʼkha̱ raʼthí náa carta 6 gu̱nʼ enero tsiguʼ 2012, dí naʼthí ndiéjunʼ gíʼmaa muʼni índo̱ naʼni ruʼwa mbiiʼ, naʼxma o i̱ʼwáʼ gamiéjunʼ.

◼ Numuu rí gu̱nʼ agosto gíʼdoo witsu sábado ga̱jma̱a̱ witsu domingo nindxu̱u̱ mbá gu̱nʼ dí ma̱ndoo manindxu̱lúʼ precursor auxiliar.

◼ Á mu mbaʼin publicadores najmún carro chíʼgíʼ náa najthi i̱yi̱i̱ʼ, mesa o quiosco náa rígá i̱yi̱i̱ʼ índo̱ nutaraʼa náa kuwa mbaʼin xa̱bu̱, gíʼmaa marigá registro ndrígóo i̱yi̱i̱ʼ dí nijuixná, índo̱ niguámbá nijuiʼtáraʼa, gíʼmaa mbiʼyáá májánʼ nguáthá i̱yi̱i̱ʼ gagíʼma mámbáa náa I̱yi̱i̱ʼ náa nagumaraʼmáʼ índo̱ nagún mámbá guʼwá (S-4-TLN) rí kaʼyoo gu̱nʼ rúʼko̱.