Gajmañaaʼ marataráʼa májánʼ: Náa territorio dí rígá tienda

Ndíjkha rí gíʼdoo wéñuʼ numuu. Numuu rí mbaʼin xa̱bu̱ nuñajunʼ mbaʼa hora rí mámbá mbiʼi, itháan májánʼ gáʼni rí muʼtáruʼun asndu náa nuñajunʼ. Dí miʼtáraʼa náa territorio náa rígá tienda naʼni marigá dí májánʼ, numuu rí nuxkamin má xúʼko̱ xa̱bu̱ ga̱jma̱a̱ bi̱ nuñajunʼ ikhí nundriguíin májánʼ bi̱ nakujmaa rí mutsi. Mu magajnúu májánʼ rí miʼtáraʼa náa territorio xóo rígi̱, publicadores gíʼmaa dí muni tsumáá ga̱jma̱a̱ mugíʼ mbá xkri̱da májánʼ xóo makujmiin májánʼ ga̱jma̱a̱ xtíñún rí nugíʼ (2 Cor. 6:3). Superintendente bi̱ naríyaʼ awan xú káʼnii miʼtáraʼa gíʼmaa mbaʼyoo májánʼ mámbá nguáthá mba̱yu̱ʼ ejuiʼtáraʼa náa naxtango̱jo̱o̱ ga̱jma̱a̱ tsíin etaraʼa.

Xú káʼnii gúʼni:

Ataniratháá mbá presentación chímba̱a̱. Á mu naratámíjná mba̱yu̱ʼ ga̱jma̱ʼ mbáa bi̱ nañejunʼ náa naxtango̱jo̱o̱, mbáa maʼni rí ní xándoo maratamíjná ga̱jma̱ʼ nda̱wa̱á.
Ayuʼ gárataruʼun náa naxtango̱jo̱o̱ mbiʼi rí nda̱a̱ wéñuʼ ñajunʼ, mbá xkri̱da, índo̱ nugi̱ʼdi̱i̱ muñajunʼ.
Atagíʼ maratamíjná ga̱jma̱ʼ ginii bi̱ nayéjkha̱ edxu̱u̱ náa naxtango̱jo̱o̱ ga̱jma̱a̱ májánʼ a̱jkia̱nʼ gáʼni. Ma̱ndoo maratha: “Kúwáanʼxu̱ ruñu̱u̱n mbégu̱ʼ xa̱bu̱ náa nuñajunʼ numuu dí ra̱mingíjyúuʼ muxkamiinʼxu xúʼko̱”. Xájyáaʼ wéñuʼ, araxnáxi tratado, revista o i̱ʼwáʼ i̱yi̱i̱ʼ. Itháan májánʼ gáʼni rí xárata ga̱jma̱a̱ numuu donación, i̱ndó arathá á mu naraxa̱ʼ náa e̱ʼkha̱ mbújkha̱a̱ rí najmulú, numuu rí tsíyulú mbuyulú xóo xa̱bu̱ bi̱ najngruʼún ragujua.
Á mu bi̱ kayá edxu̱u̱ náa naxtango̱jo̱o̱ májánʼ a̱jkiu̱u̱n, atraxi̱i̱ á mu ma̱ndoo maratamíjná gajmiáanʼ mbégu̱ʼ bi̱ nuñajunʼ ikhí. Náa tikhuu tienda, mbáa itháan májánʼ muraxi á mu ma̱ndoo muniʼñáaʼ tikhuu i̱yi̱i̱ʼ mu mudegun xa̱bu̱ bi̱ naguwáʼ gútsi.
Atatsaʼwáminaʼ májánʼ dí matani. Mbá xkri̱da, á mu xtáa rago̱jo̱o̱ mbáa xa̱bu̱ o tsíguaphaa, itháan májánʼ rí muguaʼthi̱i̱n asndu gámbóo rí xtáa raʼni.

Atagíʼ matani rígi̱ rí mbá gu̱nʼ:

Índo̱ gúnigajmaa mbá guʼwáanʼ mu mbuyamajkuíí Jeobá, guni májáánʼ mbá presentación rí ma̱ndoo majmalaʼ á mu nutaráʼa náa territorio dí rígá tienda.