Mbá rí nuxi̱ʼ mu mambáyulúʼ mugíʼdi̱i̱ muʼnindxájkun

Asndu nákha enero tsiguʼ 2016, náa tsu̱du̱u̱ revista La Atalaya dí mbuyáá xúgínʼ xa̱bu̱ na̱ʼkha̱ sección rí nayéjkha̱ edxu̱u̱ “¿Qué dice la Biblia?”. Sección rígi̱ niguma mu mambáyulúʼ mugíʼdi̱i̱ muʼtámíjná gajmiúlú xa̱bu̱. Nindxu̱u̱ xó má tratados rí kuaʼdáá: Na̱ʼkha̱ mbá graxe̱ mu xa̱bu̱ maʼthí dí endxa̱ʼóo edxu̱u̱, mbá kaxtiʼñaa dí kiʼtáriyaʼ náa texto rí na̱ʼkha̱ náa Biblia ga̱jma̱a̱ i̱ʼwáʼ rí ma̱ndoo mambáyaʼ.

Mbaʼa míʼtsú narígá rí mbáa xa̱bu̱ nagíʼduu naʼnigajmaa̱ índo̱ mbáa naʼthimíjná ga̱jma̱a̱ mbá tema rí na̱ʼkha̱ náa Biblia. Gajmaʼ sección rígi̱ mu matambáñun bi̱ nda̱ñúnʼ muniʼniiʼ Dios (Mt 5:6).

XÓO MAJMAʼ SECCIÓN RÍGI̱:

1. Atanda̱ʼa̱a̱ xa̱bu̱ maʼthí ndiéjunʼ endxa̱ʼóo edxu̱u̱ ga̱jma̱a̱ numuu mbá graxe̱.

2. Atadxawíín ga̱jma̱a̱ araxnáa núma̱aʼ rí niriʼña̱a̱.

3. Atraxnuu texto ndrígóo Biblia rí na̱ʼkha̱ náa naʼthí “Lo que dice la Biblia” ga̱jma̱a̱ atraxi̱i̱ dí endxa̱ʼwáminaʼ. Xí xa̱bu̱ nayaphaa, gajmaʼ juma rí na̱ʼkha̱ náa agoo epígrafe: “¿Qué más dice la Biblia?”.

4. Araxná revista.

5. Aratháán náa mbiʼi matangaán mu ma̱ta̱ya̱a̱ gajmaʼ imbo̱o̱ graxe̱.