“Atadaʼ náa Jeobá xkujndu ndrígáʼ”

David niraʼnuu mbaʼa gaʼkhu índo̱ nixtáa. Agoo na̱ʼkha̱ raʼthí mámbá gaʼkho rí nigíʼnuu má índo̱ niʼnirámáʼ Salmo 55.

• 

  Nitháán ajngáa xkawiʼ

• 

  Nindúún muxiyáa

• 

  Conciencia ndrígóo niʼni gawúunʼ

• 

  Gamiéjunʼ náa goʼwóo

• 

  Nandii

• 

  Nini̱i̱ dí ra̱májánʼ

Índo̱ David niraʼnuu xkujndu dí mingíjyúuʼ rí asndu xáʼngo̱o̱ gáraʼnuu kujmaa, ni̱jkha̱nú ndiʼyoo xóo maraʼnuu. Xtágabu dí naxnúún bi̱ maguánu makumún xóo ikhaa, nindxu̱u̱: “Atadaʼ náa Jeobá xkujndu ndrígáʼ”.

Xóo gándoo gúʼgíʼ muʼni versículo rígi̱ rá.

55:22

1. Guʼyáaʼ Jeobá índo̱ nuʼtákáñii, guʼtháán xúgíʼ rí gíwanʼ náa a̱jkiu̱lú, xkujndu ndrígúlú ga̱jma̱a̱ rí naʼni maxmiéjunʼlú.

2. Guʼyáaʼ ikha ndrígóo Ajngá rawunʼ Jeobá ga̱jma̱a̱ rí mambáyulúʼ xuajñu.

3. Guʼni dí eʼngo̱o̱ mu muʼnimbánii xkujndu, mú xánujngorámulú ikha rí na̱ʼkha̱ náa Biblia.