Tsáa nindxu̱u̱ xa̱bu̱ bi̱ itháan gíʼdoo numuu náa ikháanʼlu rá.

Bi̱ niʼnirámáʼ Salmo 83 mbáa ikhaa ninindxu̱u̱ levita bi̱ ni̱ʼkha̱ náa Asaf, bi̱ nixtáa nákha mbiʼi rí nixtáa rey David. Niʼnirámáʼ salmo rígi̱ nákha mbaʼa xuajen sia̱nʼ nindúún muradíin xa̱bi̱i̱ Jeobá.

83:1-5, 16

• Nákha niʼtájkáan, salmista nixmiéjunʼ itháan ga̱jma̱a̱ numuu mbiʼyuu ga̱jma̱a̱ rí naʼtáñajunʼ Jeobá ki xóo dí maxtáa májánʼ ikhaa.

• Rí mbiʼi xúgi̱, xa̱bi̱i̱ Dios kuwáanʼ nuraʼníí mbaʼa gaʼkhu. Rí naʼngulú naguajún jmbu naʼni rí maʼga̱ gamajkhu náa inuu Jeobá.

83:18

• Jeobá nandoo rí muniʼnuʼ mbiʼyuu.

• Rí gúʼnilú gíʼmaa masngájma rí Jeobá nindxu̱u̱ bi̱ itháan gíʼdoo numuu náa ikháanʼlu.