Xú káʼnii guʼnigajmaa májánʼ Biblia rá.

Lá manigua̱ʼ mariejún jmbu xóo Daniel ráʼ. Daniel niʼnigajmaa̱ májánʼ Ajngá rawunʼ Dios, rí nindoo gáʼthún dí niʼnigajmaa̱ rí kiʼtáriyaʼ dí mingíjyúuʼ wéñuʼ (Da 9:2). Xú káʼnii gándoo gambayaaʼ rí matanigajmaa tsu̱ma̱ Biblia mu mariejún jmbu rá. Ma̱ndoo maxnáʼ tsiakii dí Jeobá maʼnimbánuu dí nikudaminaʼ maʼni (Jos 23:14). Ma̱ngaa maʼnda̱ʼ xtayáá itháan Dios, ga̱jma̱a̱ máxkaxi̱i̱n matani dí májánʼ (Sl 97:10). Mú, xú káʼnii gátagíʼdi̱i̱ rá. Atatsaʼwáminaʼ náa rígi̱.

• Ndiéjunʼ gíʼmaa manigajmaa rá. Rí matríyaʼ májánʼ awan mu matanigajmaa, gíʼmaa mato̱ʼo̱o̱ ikhí mbiʼyáá náa reunión. Mambáyaʼ itháan rí natraxnuu náa Biblia á mu natayááʼ rí tsíkruaʼaʼ dí kaʼyoo mámbá xmáná. Ma̱ngaa kúwi̱i̱n bi̱ nduyaaʼ itháan ga̱jma̱a̱ rí naʼtáriyaʼ Biblia, xóo nindxu̱u̱ dí naxná xi̱ʼ kaʼwu, náa ni̱jkha̱ Pablo xóo misionero o rí niʼniwíi Jeobá. Á mu xtaʼdáá mbá graxe̱ ga̱jma̱a̱ numuu Biblia, ataniraʼmáʼ ga̱jma̱a̱ atayááʼ matriʼña̱a̱ graxe̱ rúʼko̱.

• Náá gándoo gaxkamaa rí ndaʼyaʼ rá. Mataxkamaa tikhu rí matani náa video Rí mambáyaʼ mataxkamaa rí gíʼdoo numuu rí na̱ʼkha̱ náa Dios. Mu matani, atayáá xú káʼnii potencia mundial nandoo gáthúu̱n mámbáa xujkhúʼ bi̱ naʼthí náa capítulo 7 ndrígóo Daniel.

• Nguáthá mbayuuʼ gíʼmaa manigajmaa rá. Mu mambaxáʼ májánʼ ga̱jma̱a̱ Dios nindxu̱u̱ rí matanigajmaa xúgíʼ mbiʼi. Ma̱ndoo matagíʼdi̱i̱ matanigajmaa ka mbégu̱ʼ nda̱wa̱á ma̱ndoo matanigajmaa itháán mba̱yu̱ʼ. Rí matanigajmaa Ajngá rawunʼ Dios nindxu̱u̱ xóo mataʼyááʼ dí gíʼdoo wéñuʼ numuu: Índo̱ gátaxkamaa, itháan mi̱jnu̱ʼ gáʼndaʼ mataʼyááʼ (Pr 2:3-6). Rúʼko̱ gáʼni dí manigua̱ʼ itháan Ajngá rawunʼ Dios ga̱jma̱a̱ rí manigua̱ʼ matanigajmaa (1Pe 2:2).

NDIÉJUNʼ EYOO GÁʼTHÚU̱N XUJKHÚʼ BI̱ NAʼTHÍ NÁA CAPÍTULO 7 NDRÍGÓO DANIEL RÁ.

• 

  Da 7:4

• 

  Da 7:5

• 

  Da 7:6

• 

  Da 7:7

I̱ʼWÁʼ GRAXE̱:

Xú káʼnii nimbánuu Daniel 7:8, 24 rá.

RÍ MATANIGAJMAA NDA̱WA̱Á:

Ndiéjunʼ eyoo gáʼthúu̱n xujkhú bi̱ na̱ʼkha̱ raʼthí náa capítulo 13 ndrígóo Revelación rá.