“Atiamajkuíí ana̱ʼ ga̱jma̱a̱ ru̱dáʼ”

Índo̱ Jesús nixtáa náa ku̱ba̱ʼ niʼthí kiʼthañajunʼ rígi̱: “Atiamajkuíí ana̱ʼ ga̱jma̱a̱ ru̱dáʼ” (Éx 20:12; Mt 15:4). Nindoo niʼthí ga̱jma̱a̱ xúgíʼ a̱jkiu̱u̱n numuu rí ikhaa niʼnimbo̱o̱ kaʼyoo anu̱u̱ índo̱ ninindxu̱u̱ dxámá (Lu 2:51). Índo̱ nikhi̱i̱, niʼni xóo má eʼngo̱o̱ mu ru̱dúu̱ magiʼdoo xúgíʼ rí gaʼyoo índo̱ ikhaa gakhañun (Jn 19:26, 27).

Rí mbiʼi xúgi̱ ma̱ngaa, bi̱ ni̱ndxu̱ún jiáma nusngajmá rí nduyamajkhún aniu̱ún índo̱ nunimbu̱ún rí nuthúún ga̱jma̱a̱ gamajkhu. Rí phú gajkhun nindxu̱u̱, kiʼtáñajunʼ rí mbuʼyamajkún xabuánii xáʼga̱nú mambáa. Maski ajndu ikhiin niʼni guanii má, nuʼni rí ikhiin maguaʼdáá numún índo̱ nudxawíín xtágabu ndrígu̱ún (Pr 23:22). I̱mba̱ xóo ma̱ndoo mbuʼyamajkún aniulúʼ bi̱ guanii nindxu̱u̱ rí mumbaʼñún ga̱jma̱a̱ xóo edxaʼwamíjna̱ ga̱jma̱a̱ muxnún mbújkha̱a̱ á mu ndañún (1Ti 5:8). Tséʼniuu á mu nindxulú jiáma o xa̱bu̱ guanii, i̱mba̱ nindxu̱u̱ rí muʼthámijna má xúʼko̱ gajmiúlú ikhiin.

NDA̱WA̱Á RÍ NITAYÁÁ PIZARRA ANIMADA XÓO GARATAMÍJNA GAJMIÁANʼ ANIAANʼ, ATRIʼÑAA GRAXE̱ RÍGI̱:

• Náa numuu rí marigá mbiʼi rí maʼniáan mingíjyúuʼ rí maratamíjná gajmiáanʼ aniaanʼ rá.

• Xú kaʼnii gándoo gatayamajkhúún aniaanʼ índo̱ garatamíjna gajmiáanʼ xá.

  

• Ndíjkha jngó gíʼdoo numuu rí matani minaʼ marathu̱u̱n aniaanʼ rá. (Pr 15:22).