Gajmañaaʼ marataráʼa májánʼ​: Gajmaaʼ májánʼ graxe̱

NDÍJKHA RÍ GÍʼDOO NUMUU RÁ. Á mu ku̱ma̱ ndrígóo mbá xa̱bu̱ nindxu̱u̱ xóo i̱ya̱ dí rígá mi̱jnu̱ʼ, graxe̱ rí guʼni nindxu̱u̱ rí maʼngo̱o̱ maʼga̱nú asndu ikhí (Pr 20:5). Rí muʼni mbá graxe̱ májánʼ, rúʼko̱ naʼni rí xa̱bu̱ maʼdxun ga̱jma̱a̱ mariʼña̱a̱ dí nuʼtháán. Ga̱jma̱a̱ numuu rúʼko̱ ikháánʼ nandoo muguaʼdáá dí gíʼdoo numuu. Jesús nijmuu májánʼ graxe̱. Xú kaʼnii gándoo guʼyaridáá xá.

XÓO MUʼNI:

• Atani graxe̱. Jesús niʼni tikhu graxe̱ rí nañambáá mu mbaʼyoo ndiéjunʼ endxaʼwamíjna̱ discípulos ndrígóo (Mt 16:13-16; be-S ináa 238 kutriga̱ 3-5). Xú kaʼnii graxe̱ ma̱ndoo matani ikháánʼ rá.

• Atani graxe̱ rí mambáyúu mandxaʼwáminaʼ. Jesús nijmuu graxe̱ mu mambáyúu Pedro mu mariʼkhu̱u̱ rí xóo endxa̱ʼwáminaʼ ga̱jma̱a̱ niʼni mbaʼyoo rí xúʼko̱ phú nindxu̱u̱ (Mt 17:24-26). Xú kaʼnii graxe̱ ma̱ndoo majmáanʼ mú makro̱ʼo̱o̱ májánʼ xá.

• Aratháán rí májánʼ niʼthí índo̱ gáriʼña̱a̱. Índo̱ mbáa escriba ‹niriʼña̱a̱ májánʼ› Jesús niʼthúu̱n rí májánʼ niʼthí (Mr 12:34). Ndiéjunʼ gándoo gáratha̱a̱n mbáa bi̱ nariʼña̱a̱ graxe̱ rá.

NDA̱WA̱Á RÍ NITAYÁÁ TIMBÁ NÍʼKHÓO NDRÍGÓO VIDEO GUʼNI MÁ XÚʼKO̱ ÑAJUNʼ RÍ CRISTO NIGÍʼDU̱U̱: MUʼSNGÁA GA̱JMA̱A̱ ATRIʼÑA̱A̱ GRAXE̱ RÍGI̱:

• Maski ajndu májánʼ nindxu̱u̱ rí niʼthí bi̱ naʼsngáa, náa numuu dí rakha xúʼko̱ phú gíʼmaa miʼsngáa ráʼ.

• Náa numuu rí gíʼmaa muʼni itháán ki xóo musngáa rá.

ATAYÁÁ RÍ MAʼNI A̱JMA̱ NÍʼKHÓO VIDEO GA̱JMA̱A̱ ATRIʼÑA̱A̱ GRAXE̱ RÍGI̱:

• Ndíjkha jngó ma̱ndoo muʼthá rí ndxájulú nijmuu májánʼ graxe̱ ráʼ.

• Xú kaʼnii i̱mba̱ rí ma̱ndoo mbuyaridáá rí xóo nasngáa xá.