Mbá visión rí naʼni gujkhuʼ fe ndrígúlú

9:1-7

Atatsaʼwáminaʼ xú káʼnii nikumu̱u̱ Jesús índo̱ niʼdxaun aʼwóo Anu̱u̱ índo̱ niʼthí rí nigruiguíi. Rúʼko̱ nimbáyúu mu maʼngo̱o̱ maraʼnuu xúgíʼ gaʼkhu rí gáraʼnuu. Visión rígi̱ nimbáyúu wéñuʼ Pedro, Santiago ga̱jma̱a̱ Juan. Ndiyáá kaʼwu rí Jesús nindxu̱u̱ Mesías ga̱jma̱a̱ májánʼ rí nagún kidxuuʼ. Mbá skíñúʼ gu̱wa̱ʼ ijma̱ tsiguʼ nda̱wa̱á, Pedro narmáʼáan a̱jkiu̱u̱n má xúʼko̱ rí ndiʼyoo ga̱jma̱a̱ dí rúʼko̱ niʼni maʼni gujkhuʼ fe ndrígóo náa ‹ajngáa rí kiʼtáriyaʼ› ndrígóo Dios (2Pe 1:16-19).

Maski ajndu ikháánʼ túʼyáa visión rúʼko̱ mú kúwáanʼ náa mbiʼi rí mambanúu. Rí mbiʼi xúgi̱ Jesús nindxu̱u̱ Rey bi̱ gíʼdoo xúgíʼ tsiakii. Inuu má maʼni gámbóo xúgíʼ xkujndu dí rígá náa numbaaʼ ga̱jma̱a̱ maʼni nuxi̱i̱ʼ numbaaʼ rígi̱ (Rev 6:2).

Xú káʼnii eʼni gujkhuʼ fe ndrígáʼ índo̱ natayáá nambánuu ajngáa rí kiʼtáriyaʼ rá.