Guʼni mba̱a̱ Jeobá ga̱jma̱a̱ ajmúú gagi

Nákha kajchún náa guʼwá e̱jua̱nʼ, Pablo ga̱jma̱a̱ Silas nini mba̱a̱ Jeobá ga̱jma̱a̱ ajmúú (Hch 16:25). Rúʼko̱ nimbáñun mu maʼngu̱u̱n. Rí mbiʼi xúgi̱ ajmúú rí nuʼni náa Guʼwá Nagimbáanʼ ga̱jma̱a̱ i̱ʼwáʼ rí nakujmaa náa jw.org ma̱ndoo maxnúlúʼ tsiakii ga̱jma̱a̱ mambáyulúʼ maguajún jmbu índo̱ guraʼníí xkujndu. Ma̱ngaa ga̱jma̱a̱ ajmúú nuʼni mba̱a̱ Jeobá (Sl 28:7). Najuiʼtúlú rí gíʼmaa majmañulúʼ tikhu ajmúú. Índo̱ gunigajmaa mbá guʼwáanʼ guʼgíʼ majmañulúʼ ajmúú.

NDA̱WA̱Á RÍ NITAYÁÁ VIDEO E̱JI̱N NUNI MBA̱A̱ JEOBÁ GA̱JMA̱A̱ AJMÚÚ, ATRIʼÑA̱A̱ GRAXE̱ RÍGI̱:

• 

  Xú káʼnii embáyulú rí muʼni ajmúú ndrígóo Reino rá.

• 

  Xú káʼnii egumarathá Departamentos ndrígóo Audio ga̱jma̱a̱ Video mu maguma grabar rá.

• 

  Ndiéjunʼ eni e̱ji̱n bi̱ nuni ajmúú ga̱jma̱a̱ bi̱ kuwa gajmiún náa guʼwún nákha xóó tseni ajmúú xá.

• 

  Xú káʼnii ajmúú ndrígóo Reino rí nanigua̱ʼ ga̱jma̱a̱ náa numuu rá.