Gaʼngulú muguaʼthi̱i̱n má xúʼko̱

Nguáthá má mbayuuʼ xtaʼti̱i̱n rí ma̱ʼkha̱ Reino ndrígóo Dios rá. Lá xtaʼti̱i̱n ma xúʼko̱ maski ajndu natraʼníí xkujndu ráʼ. (Ro 8:25). Tikhun cristianos nawiñunʼ kuñún, nunigíníi, nuxudi̱i̱nʼ guʼwá e̱jua̱nʼ asndu nuthu̱u̱n rí muradíin. Eʼwíínʼ kuwa rumíniʼ ga̱jma̱a̱ mbá nandii rí nda̱a̱ thanuu o rí naʼni xa̱bu̱ wanuu.

Ndiéjunʼ gíʼmaa muʼni mu maʼngulú muraʼníí asndu ndiéjunʼ má rí gárígá rá. Gíʼmaa muguaʼdáá mbá fe gújkhuʼ xúgi̱ mbiʼi rí guraxnuu Biblia ga̱jma̱a̱ gundxa̱ʼwámíjna̱ rí guraxnuu, gíʼmaa maʼni mbóó a̱jkiu̱lú náa rí kuaʼti̱i̱n (2Co 4:16-18; Heb 12:2). Ga̱jma̱a̱ gíʼmaa muʼtákáñii Jeobá mu maxnúlúʼ tsiakii ga̱jma̱a̱ xi̱ʼ kaʼwu ndrígóo (Lu 11:10, 13; Heb 5:7). Anu̱lú bi̱ nandoo kaʼyulú wéñuʼ mambáyulúʼ mu maʼngulú muguaʼthi̱i̱n ga̱jma̱a̱ gagi (Col 1:11).

ATAYÁÁ VIDEO GÍʼMAA MAʼNGULÚ MAGAYÚLÚ: GUGAYÚLÚ MU MAʼNGULÚ, GA̱JMA̱A̱ NDA̱WA̱Á ATRIʼÑA̱A̱ GRAXE̱ RÍGI̱:

• 

  Ndiéjunʼ gaʼkhu rí xákumulúʼ mugíʼníí rá. (Ec 9:11).

• 

  Xú kaʼnii embáyulú rí nuʼtájkáan mu maʼngulú muraʼníí tsáʼkhá rá.

• 

  Á mu nánguá eʼngulú guʼni itháan ñajunʼ Jeobá xóo nakha ginii, ndíjkha jngó itháán májánʼ nindxu̱u̱ rí mundxaʼwamíjná náa rí xóó maʼngulú muʼni rá.

• 

  Ndiéjunʼ rí embáyaʼ ikháán mu ma̱ta̱ya̱a̱ rí gajkhun makánaʼ nda̱wa̱á rá.