Guʼnimi̱jna̱ má xúʼko̱ maski ajndu rígá ‹tsuwanʼ náa xuyulúʼ›

Kuwáanʼ náa iwáá mbiʼi, xúgiáanʼ bi̱ ni̱ndxu̱lú xa̱bi̱i̱ Dios nuraʼnílú xkujndu rí nindxu̱u̱ asndu xóo tsuwanʼ (2Ti 3:1). Xú káʼnii gándoo gakumulú kuʼyáá Jeobá ga̱jma̱a̱ maʼngulú muraʼníí xkujndu rígi̱ rá. Náa video “Mambaʼta̱a̱ idún xa̱bu̱ bi̱ tsíkruigu̱u̱n” nasngájma xú káʼnii niʼngo̱o̱ niraʼnuu Talita Alnashi, anu̱u̱ ga̱jma̱a̱ ru̱dúu̱. Nda̱wa̱á rí nitayáá video, atriʼña̱a̱ graxe̱ rígi̱:

• Ndiéjunʼ nindxu̱u̱ ‹tsuwanʼ rí nigiʼdoo náa xuyuuʼ› Talita rá.

• Xú kaʼnii rí na̱ʼkha̱ raʼthí náa Biblia nimbáyúu Talita, anu̱u̱ ga̱jma̱a̱ ru̱dúu̱ mu mundxaʼwami̱jna̱ rí májánʼ rá.

• Nda̱wa̱á rí niguma operar Talita, xú káʼnii nisngájma anu̱u̱ ga̱jma̱a̱ ru̱dúu̱ rí nikumún kuyáá Jeobá xá.

• Xú káʼnii nijmún mbaʼa rí xuajñu Jeobá naxná mu musngáá aʼdiún mu ma̱ndoo kaʼyoo Jeobá xá.

• Xú káʼnii esngájma Talita rí nandoo kaʼyoo itháan Jeobá maski ajndu gíʼdoo mbá ‹tsuwanʼ náa xuyuuʼ› rá.

• Xkáʼnii embáyaʼ ikháán xkri̱da ndrígóo Talita rá.