“Niʼni xó má ikhaa niʼthúu̱n maʼni”

6:9, 13-16, 22

Atandxaʼwáminaʼ nguáthá mba̱a̱ ñajunʼ ndiyóoʼ maʼni Noé gajmíi̱n bi̱ kuwa náa goʼwóo mu muni mbá arca, nákha ikhú nda̱a̱ ajua̱nʼ dí xóo rígá mbiʼi xúgi̱ o mbá awan rí xóo maguma guʼwá.

• Arca ninindxu̱u̱ mba̱a̱ wéñuʼ. Gíʼdoo mbá 133 metros (437 pies) rí aʼmbaʼ, 22 metros (73 pies) rí ma̱ja̱nʼ ga̱jma̱a̱ gíʼdoo 13 metros (44 pies) rí mitsídánʼ.

• Ndiyóoʼ marujtu ixi̱, troncos ga̱jma̱a̱ magimboo.

• Ndiyóoʼ rí muruguáá ga̱jma̱a̱ alquitrán awúu̱n ma̱ngaa kidxuuʼ.

• Ndiyóoʼ rí mugimbóó ganitsu rí mu̱phu̱ ikhiin ga̱jma̱a̱ rí mu̱phu̱ xujkhú mbá tsiguʼ.

• Ndijyúuʼ mbá 40 o 50 tsiguʼ mu muni arca.

Xú káʼnii gándoo gambáyuluʼ relato rígi̱ á mu naku̱mu̱lú rí naʼniulú mingíjyúuʼ muʼni rí na̱ndu̱ʼu̱lú Dios rá.