“Xúgíʼ numbaaʼ nuthi má xúʼko̱ mbóó ajngáa”

11:1-4, 6-9

Náa Babel, Jeobá niʼni rí muni wajímíjná bi̱ tsénimbu̱ún índo̱ niʼni rí mutha mixtiʼkhu ajngáa. Mú, rí mbiʼi xúgi̱ xtáa ragímbíin xa̱bu̱ bi̱ mbaʼin wéñuʼ bi̱ kuwa náa xúgíʼ xuajen, bi̱ nuthi mixtiʼkhu ajngáa ga̱jma̱a̱ xtáa raʼsngúún mbá “ajngáa mikaʼwu” mu ma̱ndoo “mugríga̱a̱ mbiʼyuu Jeobá ga̱jma̱a̱ xúgínʼ gúni ñajuunʼ mbá kambáxu̱u̱n’” (Sof 3:9; Ap 7:9). Ajngáa rí “mikaʼwu” nindxu̱u̱ rí gajkhun ga̱jma̱a̱ numuu Jeobá, rí nandoo maʼni ga̱jma̱a̱ rí naʼthí náa Escrituras.

Rí majmañaaʼ mbá nuxi̱ʼ ajngáa ndayóoʼ matani mbá tsiakii mba̱a̱, raʼkháa rí xóo matadraʼa ajngáa edxa̱ʼ. Mbaʼyóoʼ rí matandxaʼwamínáʼ imbá nuthu. Ikháá má kayuuʼ índo̱ najmañulúʼ “ajngáa mikaʼwu” rí nindxu̱u̱ gajkhun, rí xóo nundxaʼwamíjná naxtiʼkhuu (Ro 12:2). Nindxu̱u̱ mbá dí narígá má xúʼko̱ mu náa xuajñuu Dios makuwa mbá jnduʼ (1Co 1:10).