Xú káʼnii gándoo gúni xa̱bu̱ gajmii mu makuwa májánʼ rá.

Abrahán ga̱jma̱a̱ Sara nindúún kuyamijná ga̱jma̱a̱ ndiyamajkumijná (Gé 12:11-13; 1Pe 3:6). Mú na̱nguá ninindxu̱ún xa̱bu̱ jmbiin ga̱jma̱a̱ niguáʼdáá xkujndu. Ndiéjunʼ gándoo gájmañún bi̱ nidamijná náa xkridoo Abrahán ga̱jma̱a̱ Sara rá.

Gíʼdoo wéñuʼ numuu rí mutamijná májánʼ. Atani mbá tsiakii matriñán májánʼ bi̱ ndiyáa á mu nakiʼnáa o nakásga̱ñu̱nʼ ga̱jma̱a̱ naʼtháanʼ ajngáa xkawiʼ (Gé 16:5, 6). Guríyaʼ mbiʼi makuwáanʼla mbóó. Gusngajmá rí nandala kuyamíjna̱ ga̱jma̱a̱ rí xóo nu̱tha̱ ma̱ngaa rí nuni. Mú guguaʼdaa má xúʼko̱ Jeobá náa vida ndrígála: Gunigajmaa, gutakáñii Jeobá ga̱jma̱a̱ kambáxala gúni ñajuunʼ (Ec 4:12). Bi̱ gajkhun nandún kuyamijná nduyamajkuíí Jeobá bi̱ niʼni rí xa̱bu̱ mudamijná.

NDA̱WA̱Á RÍ NITAYÁÁ VIDEO XÚ KÁʼNII GÁNDOO GÁKUWÁ MÁJÁNʼ BI̱ NIDAMIJNÁ. ATRIʼÑA̱A̱ GRAXE̱ RÍGI̱:

• Ndiéjunʼ esngájma rí Shaan ga̱jma̱a̱ Kiara nánguá embáxu̱u̱n rá.

• Ndíjkha rí gíʼdoo numuu rí xa̱bu̱ gajmii mutamijná xó má kaʼyoo rá.

• Xú káʼnii nimbáyúu Shaan ga̱jma̱a̱ Kiara xkridoo Abrahán ga̱jma̱a̱ Sara rá.

• Ndiéjunʼ niʼni Shaan ga̱jma̱a̱ Kiara mu makuwa májánʼ rá.

• Náá numuu rí bi̱ nidamijná xúguáʼthi̱i̱n rí makuwa májánʼ wéñuʼ rá.