Ndiéjunʼ gándoo gajmañulú náa a̱ngiu̱lú bi̱ najmañún rá.

Náa congregación kuaʼdiin mbaʼin a̱ngiu̱lú bi̱ mba̱yu̱u̱ʼ tsiguʼ má kúwá runi ñajuunʼ Jeobá, ikhiin nakumu̱ún kuyáá káxi̱ Jeobá ga̱jma̱a̱ xúʼko̱ má gándoo muʼni mangáanʼ. Ma̱ndoo muraxu̱u̱n xú káʼnii nindxu̱u̱ xuajñuu Jeobá nákha ginii ga̱jma̱a̱ xú káʼnii Jeobá nixnúún tsiakii mu maʼngu̱u̱n muraʼníí mbaʼa xkujndu. Ma̱ndoo muʼthúún a̱ngiu̱lú bugi̱ rí maguwáʼ índo̱ nuʼnigajmaa mbá guʼwáanʼ ga̱jma̱a̱ muraxu̱u̱n xóo nikuwa.

Á mu ikháán xtaa má mba̱yu̱u̱ʼ tsiguʼ ratani̱ ñajuunʼ Jeobá arathún jiáma ga̱jma̱a̱ wa̱ʼxa̱ʼ xóo niraxtaa, xúʼko̱ niʼni Jacob ga̱jma̱a̱ José, ikhiin nithúún bi̱ kúwá náa guʼwún rí xóo Jeobá niʼni ga̱jma̱a̱ ni̱ndxu̱ún (Gé 48:21, 22; 50:24, 25). Itháan nda̱wa̱á, Jeobá nindu̱ʼu̱u̱n xa̱bu̱ guanii rí muthúún e̱jñún ga̱jma̱a̱ numuu mbaʼa rí ikhaa niʼngo̱o̱ niʼni (Dt 4:9, 10; Sl 78:4-7). Xúʼko̱ má ma̱ndoo muni xa̱bu̱ bi̱ guáʼdiin e̱ji̱n ga̱jma̱a̱ xa̱bu̱ guanii rí mbiʼi xúgi̱, ikhiin ma̱ndoo muthúún jiáma ga̱jma̱a̱ wa̱ʼxa̱ʼ xú káʼnii Jeobá eyambáá náa xuajñuu.

NDA̱WA̱Á RÍ NITAYÁÁ VIDEO KÚWÁ JNDUʼ MASKI AJNDU NAJUIXKÚÚN, GA̱JMA̱A̱ ATRIʼÑA̱A̱ GRAXE̱ RÍGI̱:

• Xú káʼnii nimbáñun sucursal ndrígóo Australia a̱ngiu̱lú bi̱ kúwá náa país rí tséniñu̱u̱nʼ mutaraʼa xá.

• Ndiéjunʼ nini a̱ngiu̱lú bugi̱ mu maʼni itháan gújkhúʼ fe ndrígu̱ún rá.

• Ndíjkha jngó mbaʼin publicadores bi̱ kúwá náa Rumania nigájnún náa xuajñuu Jeobá ga̱jma̱a̱ náa numuu rí nitangi̱i̱n xá.

• Xú káʼnii eʼni gújkhúʼ fe ndrígáʼ video rígi̱ rá.