Xóo majmulú rí na̱ʼkha̱ náa “Xkri̱da xóo marataráʼa”

“Xkri̱da xóo marataráʼa” na̱ʼkha̱ náa timbá ináa I̱yi̱i̱ʼ dí najmulú náa reunión Xóo kúwi̱i̱n ga̱jma̱a̱ xóo Etaraʼa Cristianos rígi̱ nigi̱ʼdu̱u̱ enero tsiguʼ 2018. Xú káʼnii gíʼmaa majmulú rá.

Índo̱ nuxna mbá asignación. Gíʼmaa majmulú graxe̱, texto ga̱jma̱a̱ graxe̱ rí muniʼñáaʼ. Mú tséyóoʼ muʼthá kikháá ajngáa rí na̱ʼkha̱ náa video. Ma̱ndoo muriʼkhuíí dí narígá, xóo mugíʼdi̱i̱ ga̱jma̱a̱ ajngáa rí muʼthá. Ma̱ngaa ma̱ndoo muxná mbá i̱yi̱i̱ʼ dí rígá náa caja ndrígóo herramientas mu muʼsngáa, maski ajndu náa i̱yu̱lúʼ tséʼthi á mu muxná.

Náa nuʼtáraʼa. Xkri̱da xóo muʼtáraʼa nambáyulúʼ mu mbuʼyáá xóo phú gíʼmaa muʼthúún xa̱bu̱. Á mu xa̱bu̱ naniguuʼ maʼdxun itháan ma̱ndoo majmulú rí na̱ʼkha̱ náa naʼthí revisita. Ma̱ndoo majmulú rí najuiʼthúlú ga̱jma̱a̱ muriʼkhuíí xóo muʼthúún xa̱bu̱. Lá mambáñún itháan xa̱bu̱ tema ga̱jma̱a̱ texto rí ndiʼyáá náa imbo̱o̱ gu̱nʼ ráʼ. Lá rígá mbá noticia rí ninújngoo xíkhoo rí nanigu̱u̱nʼ mudxawíín xa̱bu̱ ráʼ. Ma̱ndoo mbuʼyáʼ xkri̱da rí xáʼniulu gakhi̱i̱ majmulú, mú xámbumulú rí phú nandulúʼ muʼni nindxu̱u̱ rí ‹muʼthúún eʼwíinʼ ajngáa rí májánʼ› (1Co 9:22, 23).