Guʼyamajkuíí rí nambáxulúʼ gajmiúlú Jeobá

Ikháanʼ bi̱ ni̱ndxu̱lú xa̱bi̱i̱ Jeobá bi̱ nixnaxímíjná ga̱jma̱a̱ bi̱ nijngúlú iyááʼ ma̱ndoo mambaxúlúʼ májánʼ gajmiúlú Jeobá. Numuu rí ni̱ʼkha̱ kaguáanʼ náa ikhaa ga̱jma̱a̱ numuu A̱ʼdióo ma̱ngaa naʼdxaun rí nuʼtajkháan (Sl 34:15; Jn 6:44).

Xú káʼnii gándoo gúñewa̱a̱n rí nambáxulúʼ gajmiúlú Dios rá. Rí xúʼni dí ra̱májánʼ xó má nini israelitas. Nguáthá mbiʼi nda̱wa̱á rí nimbánúún gajmiún Jeobá, ikhiin nini̱ mbáa aʼdá xede̱ bi̱ ki̱ʼni̱ ga̱jma̱a̱ oro ma̱ngaa nigíʼdi̱i̱ ndiyamajkuíí (Éx 32:7, 8; 1Co 10:7, 11, 14). Guraximíjna̱: “Xú káʼnii eni índo̱ naraʼnuu mbá tsáʼkhá rá. Lá rí xóo nani nasngájma rí ndayamajkhuu dí nambáxuʼ gajmuʼ Jeobá ráʼ.” Ga̱jma̱a̱ numuu rí nandulú kuʼyáá Anu̱lú bi̱ xtáa mekhuíí rúʼko̱ gáʼni rí muʼni gaʼduunʼ xúgíʼ rí ikhaa tsénigu̱u̱ʼ (Sl 97:10).

NDA̱WA̱Á RÍ NITAYÁÁ VIDEO GÚÑEWA̱A̱N RÍ NAMBÁXULÚʼ GAJMIÚLÚ JEOBÁ (COL 3:5), ATRIʼÑA̱A̱ GRAXE̱ RÍGI̱:

• Ndiéjunʼ eyoo gáʼthúu̱n rí nagua̱ʼa̱ maraʼdáá rá.

• Ndíjkha jngó gíʼmaa muʼni gaʼduunʼ rí nagua̱ʼa̱ muguaʼdáá ga̱jma̱a̱ rí mbuʼyamajkún xándú rá.

• Xú káʼnii mbríguii rí mataba̱ʼ ga̱jma̱ʼ bi̱ tíyáa ga̱jma̱a̱ rí matayamajkhún xándú rá.

• Náa numuu rí bi̱ guaʼdáá mbá ñajunʼ náa congregación, gíʼmaa mbuyáá rí ndayóoʼ bi̱ ndiyáa xá.