Campaña kiejunʼ dí marigá noviembre náa majuiʼtáraʼa ga̱jma̱a̱ numuu Reino ndrígóo Dios

Jesús niʼsngáa “ajngáa rí májánʼ ga̱jma̱a̱ numuu Reino ndrígóo Dios”, ma̱ngaa niʼsngúún xa̱bu̱ xóo gíʼmaa munda̱ʼa̱a̱ Reino (Lu 4:43; Mt 6:9, 10). Gu̱nʼ noviembre muʼni mbá tsiakii mba̱a̱ mu muʼthá ga̱jma̱a̱ numuu Reino ndrígóo Dios (Mt 24:14). Guríyáʼ awan muñambáá náa campaña rígi̱. Bi̱ gánindxu̱ún precursor auxiliar náa gu̱nʼ rúʼko̱ ma̱ndoo muxnaxi̱i̱ 30 o 50 hora.

Atayáʼ mbá texto náa naʼthí ga̱jma̱a̱ numuu Reino ndrígóo Dios mu matasngajmún xa̱bu̱ náa naratáraʼa. Índo̱ gátraʼwi̱i̱ mbá texto, gíʼmaa ma̱ta̱ya̱a̱ ndiéjunʼ rí nunimbu̱ún xa̱bu̱ bi̱ gárataruʼun. Á mu xa̱bu̱ ninigu̱u̱ʼ maʼdxun araxnáá mbá i̱yi̱i̱ʼ Bi̱ Nayejngoo rí kaʼyoo gu̱nʼ febrero (rí nduyáá xúgínʼ xa̱bu̱) núm. 2, 2020. Ga̱jma̱a̱ gíʼmaa matangáanʼ gátaya nacha̱ ma̱ngaa gajmaaʼ mbá i̱yi̱i̱ʼ dí rígá náa caja ndrígóo herramientas mu marasngáa. Inu má Reino ndrígóo Dios maʼni gámbíin Xa̱bu̱ Ñajunʼ bi̱ kúwá náa tsu̱du̱u̱ Ku̱ba̱ʼ (Da 2:44; 1Co 15:24, 25). Ikha jngó, gájmulúʼ májánʼ mbiʼi rígi̱ mu musngájma rí kuwáanʼ jmbu náa Jeobá ga̱jma̱a̱ náa Reino ndrígóo.