Xúniʼñááʼ rajmulúʼ revista

Asndu nákha tsiguʼ 2018, náa mámbá número dí nagájnuu Bi̱ Nayejngoo rí mbuyáá xúgíinʼ xa̱bu̱ mbóó tema eʼthí náa xúgíʼ revista. Xúgíʼ rígi̱, rígá náa caja ndrígóo herramientas mu muʼsngáa. Ma̱ngaa ma̱ndoo muyéʼgua̱ tikhu revista náa na̱jkua̱ gúʼtsi̱ o índo̱ nagájnulúʼ na̱jkua̱. Revista rígi̱ na̱nguá niguma ratháá mu muʼsngáa, mú ma̱ndoo muʼni rí maxkajxi̱i̱ a̱jkiu̱ún xa̱bu̱ mu muniʼniiʼ itháan Dios.

Índo̱ gáratamíjná ga̱jma̱a̱ʼ mbáa xa̱bu̱, atraxnuu mbá texto rí na̱ʼkha̱ náa Biblia ga̱jma̱a̱ aratháán mbá tema ndrígóo revista rí maxkajxi̱i̱ a̱jkiu̱u̱n. Mbá xkri̱da, á mu xa̱bu̱ gíʼdiin familia o xtáa ngíná o naxmiéjuunʼ wéñuʼ, ikháán ma̱ndoo maratha̱a̱n: “Tséʼni má mba̱yu̱u̱ʼ dí nigúxnuu mbá artículo mitsaanʼ ga̱jma̱a̱ numuu tema rígi̱. Lá ma̱ndoo masngajmáʼ rá.” Á mu xa̱bu̱ nisngájma rí ninigu̱u̱ʼ, ma̱ndoo maraxna̱a̱ mbá revista o mataxúʼma náa celular, tablet ndrígóo. Rígi̱ ma̱ndoo matani náa timbá miʼtsú naratámíjná ga̱jma̱a̱ʼ. Tsíyulú rí mbaʼ muxnáá i̱yi̱i̱ʼ, numuu dí revista rígi̱ ma̱ndoo mambáyulú muxkamiin xa̱bu̱ bi̱ gajkhun nandún munimbu̱u̱n kuʼyáá Dios (Hch 13:48).

2018

2019

2020