Xabuanii gusngún e̱jña̱la mu makuwá xawii

Náa numbaaʼ rí kuwaanʼ mbaʼin xa̱bu̱ nusngáa dí májánʼ nindxu̱u̱ ra̱májánʼ ga̱jma̱a̱ dí ra̱májánʼ nindxu̱u̱ májánʼ (Is 5:20). Phú ngíná nindxu̱u̱ dí mbaʼin xa̱bu̱ nuni rí tsénigu̱u̱ʼ Jeobá, xóo rí maʼndún mubúúnʼ kanikhiin xa̱bekha o gu̱ʼu̱. Mbáa nguáná maʼni rí tikhun bi̱ nunigajmaa gajmiún o eʼwíinʼ xa̱bu̱ muthúún e̱jñu̱luʼ rí muni xúʼko̱ kaʼnii mangiin. Xabuanii, xú káʼnii gándoo gúmbáñún e̱jña̱la mu maʼngu̱u̱n muraʼníí tsáʼkhá rígi̱ rá.

Gusngún e̱jña̱la ikha rí na̱ʼkha̱ náa Jeobá (Le 18:3). Índo̱ gáʼga ranii gusngún dí naʼthí náa Biblia ga̱jma̱a̱ numuu rí mubúúnʼ xa̱bu̱ (Dt 6:7). Atrajxi̱mínáʼ: “Nisngúún e̱ji̱nʼ xóo phú gíʼmaa maʼndún kuñún eʼwíinʼ ráʼ. Lá nduyáá rí mugíʼ xtíin dí nakujmaa májánʼ gíʼdoo wéñuʼ numuu ráʼ. Lá nakru̱ʼu̱u̱n dí eʼwíinʼ ragíʼmaa muyamiin náa nuna, náa nuriʼkhui̱i̱ xtíñúún o i̱ʼwáʼ náa rí rakáʼyoo ráʼ. Ga̱jma̱a̱ lá nduyáá ndiéjunʼ gúni á mu mbáa nandoo masngájmúún náa nurima̱ʼ xa̱bu̱ o muthún rí muni mbá dí ra̱májánʼ xáʼ.” Á mu nákhi xúgi̱ nakru̱ʼu̱u̱n májánʼ rígi̱, mambáñún mu xaguaʼdáá xkujndu (Pr 27:12; Ec 7:12). Índo̱ nuʼniratiin e̱jñu̱luʼ nusngajmáá Jeobá rí nduʼyamajkuíí dí nimínáanʼlu (Sl 127:3).

NDA̱WA̱Á RÍ NITAYÁÁ VIDEO GUMBÁÑÚÚN BI̱ KÚWÁ NÁA GUʼWÁLA. XABUANII GUXPRÍGÚN E̱JÑA̱LA MU XÚNI̱ DÍ RA̱MÁJÁNʼ, ATRIʼÑA̱A̱ GRAXE̱ RÍGI̱:

• 

  Náá numuu rí tikhun xabuanii naʼniún mingíjyúuʼ mutamijná gajmiún e̱jñún ga̱jma̱a̱ numuu rí nubúúnʼ xa̱bu̱ rá.

• 

  Náá numuu rí xabuanii gíʼmaa munimbanuu má xúʼko̱ e̱jñún xó má “eʼthí náa xtángoo ga̱jma̱a̱ xó má endxa̱ʼóo edxu̱u̱ Jeobá” rá. (Ef 6:4).

• 

  Ndiéjunʼ rí nixnúún Jeobá xabuanii mu mumbañún e̱jñún rá. (w19.05 12).

• Ndíjkha rí gíʼdoo wéñuʼ numuu mutamijná májánʼ gajmiún e̱jñún xabuanii, nákha xóó tserígá xkujndu rá.