Núma̱aʼ má Jeobá ga̱jma̱a̱ Jesús ma̱ndoo makáwáanʼ

Náá biʼyaa xkujndu dí xtaa ratraʼníí rá. Lá nindxa̱a̱ʼ bi̱ kayá edxu̱u̱ náa mbá guʼwíin ga̱jma̱a̱ natani tsiakimínáʼ matani rí kaʼyaaʼ ráʼ. Lá nindxa̱a̱ʼ mbáa xa̱biya̱ o mbáa a̱ʼgu̱ bi̱ niguanáa, ga̱jma̱a̱ naʼniaʼ mingíjyúuʼ makhánaaʼ mbújkha̱a̱ ráʼ. Lá nindxa̱a̱ʼ mbáa dxámá bi̱ nutsijmaa a̱ngui̱i̱n ga̱jma̱a̱ nuni̱i̱ dí ra̱májánʼ náa escuélóo ráʼ. Lá xtaʼdáá mbá nandii mbiʼ o natamíníi̱ʼ ga̱jma̱a̱ numuu rí nikhi̱i̱n má dxe̱ʼ. Xúgiáanʼlu kuaʼdáá xkujndu, mú kúwi̱i̱n a̱ngiu̱lú bi̱ nuraʼníí itháan gamiéjunʼ. Naʼni̱i̱ a̱jkiu̱lú índo̱ nduʼyáá dí inu má makáwáanʼ náa tsingíná rígi̱ (2Co 4:16-18).

Índo̱ gáʼga̱nú mbiʼi rúʼko̱, maʼni̱i̱ a̱jkiu̱lú índo̱ gúʼyáá rí Jeobá nakro̱ʼo̱o̱ xóo kúwáanʼ, ikhaa ndaʼyamajkuu xúgíʼ tsiakii rí nuʼni mu muguajún jmbu, ma̱ngaa nakudaminaʼ rí maʼni tsajkurámáanʼ nda̱wa̱á (Jer 29:11, 12). Jesús ma̱ngaa naxmiéjunʼ kaʼyulú. Á mu nuʼnimíjna̱ muʼnimbánii xúgíʼ rí kaʼyulú xóo mbáa cristiano, ikhaa naʼthí: “Maxtáá ga̱jma̱á nindxa̱la” (Mt 28:20). Á mu nuríyaʼ mbiʼi mundxa̱ʼwa̱míjna̱ xóo gáʼni káwáanʼ Reino ndrígóo Dios, rúʼko̱ gáʼni rí maʼngulú muguaʼthi̱i̱n rí mundrígúu nda̱wa̱á ga̱jma̱a̱ rí maʼngulú muraʼníí tsáʼkhá (Ro 8:19-21).

DA̱WA̱Á RÍ NITAYÁÁ VIDEO GUGUAʼTHI̱I̱N MBUʼYÁÁ DÍ MARIGÁ NDA̱WA̱Á, XÚNIʼÑÁʼ CRISTO, ATRIʼÑA̱A̱ GRAXE̱ RÍGI̱:

• Xú káʼnii niʼni rí xa̱bu̱ numbaaʼ mutsíngunʼ náa Dios ga̱jma̱a̱ ndiéjunʼ nirígá rá.

• Ndiéjunʼ rí kuáʼti̱i̱n mundrígúu bi̱ kúwá jmbu náa Jeobá rá.

• Ndiéjunʼ niʼni Dios mu ikháanʼ ma̱ndoo makuwáanʼ tsímáá nda̱wa̱á rá.

• Ndiéjunʼ rí itháan nandaaʼ mambanúu náa ku̱ba̱ʼ mitsaanʼ rá.