Xúgíʼ xkujndu na̱jkha̱nú mbóoʼ mbiʼi naguámbáa

Xkujndu rí kuaʼdáálu xájyúuʼ gaʼni rí makawabáanʼlu, mu itháan á ndajyúuʼ mbayuuʼ wéñuuʼ. David ndiʼyoo rí xkujndu dí gíʼdoo ga̱jma̱a̱ Saúl xájyúuʼ má mbayuuʼ ga̱jma̱a̱ dí ikhaa maʼga̱nú mani̱ndxu̱u̱ rey xó má Jeobá nikudaminaʼ (1Sa 16:13). Fe rí nigiʼdoo David nimbáyúu mu maʼngo̱o̱ a̱jkiu̱u̱n ga̱jma̱a̱ magiʼthu̱u̱n rí Jeobá má gámbáyúu.

Índo̱ kuwáánʼlú ruraʼníí mbá gamiéjunʼ ma̱ndoo musngajmá dí ni̱ndxu̱lú mbáa xa̱bu̱ bi̱ najmañuu ga̱jma̱a̱ bi̱ nakro̱ʼo̱o̱ ga̱jma̱a̱ gajmulú dí najmañulú mu xúʼko̱ xákuwaanʼ gíná wéñuuʼ (1Sa 21:12-14; Pr 1:4). Maski asndu niʼni xúgíʼ xó má eʼngo̱o̱ mu muʼnimbaníí mbá xkujndu ga̱jma̱a̱ ikha dí na̱ʼkha̱ náa Biblia, mu rígá tikhuu xkujndu dí xáguámbáa. Á mu dí xúʼko̱, gaʼngo̱o̱ a̱jkiu̱lú ga̱jma̱a̱ guguaʼthíin dí Jeobá má gámbáyulú. Nánguá má mbayuuʼ rí Jeobá mbá nacha̱ ma gáʼni gámbóo xúgíʼ rí naʼni makuwáanʼ gíná ga̱jma̱a̱ “margujndooʼ xúgíʼ iyooʼ” idulú (Ap 21:4). Ma̱ndoo maʼni dí xkujndu ndrígúlú mambáa numuu dí Jeobá nimbáyulú o ga̱jma̱a̱ i̱ʼwáʼ numuu, mu rí phú gíʼmaa marmáʼáan a̱jkiu̱lú dí: Xúgíʼ xkujndu na̱jkha̱nú mbóoʼ mbiʼi naguámbáa. Dí mbuʼyáá rúʼko̱ naʼni̱i̱ a̱jkiu̱lú.

NDA̱WA̱Á RÍ NITAYÁÁ VIDEO MBÁ XUAJEN KÚWÁ JNDUʼ NÁA MBÁ NUMBAAʼ NÁA NUNI WÁJIMIJNÁ, ATRIʼÑA̱A̱ GRAXE̱ RÍGI̱:

• Ndiéjunʼ gamiéjunʼ niraʼníí mbaʼin a̱ngiu̱lú bi̱ nikúwá náa sur ndrígóo Estados Unidos rá.

• Xú káʼnii nisngajma ngajua ga̱jma̱a̱ rí niʼngo̱o̱ a̱jkiu̱ún xá.

• Ndiéjuunʼ rí itháán nigiʼdoo numuu ndiyáá a̱ngiu̱lú rá. (Flp 1:10).