Lá natayáá xóo eriʼña̱a̱ Jeobá ráʼ.

Náa Biblia naʼthí ga̱jma̱a̱ numún mbaʼin bi̱ nitajkháan ga̱jma̱a̱ rí Jeobá niriʼñúún. Ikhiin ndiyáá kaʼwu rí Jeobá naxmiéjuunʼ kaʼñún índo̱ guaʼdáá xkujndu ga̱jma̱a̱ nambáñún, rúʼko̱ niʼni rí fe ndrígu̱ún maʼni gujkhuʼ. Ikha jngóo májánʼ gáʼni rí muʼthán mbájmbu Jeobá ma̱ngaa muguaʼthi̱i̱n mbuʼyáá xóo gáriʼña̱a̱. Garmáʼáan a̱jkiu̱lú rí Jeobá ma̱ndoo mariʼñulú mixtiʼkhu xóo rí kuaʼti̱i̱nlú o maxnúlú itháan ki xóo rí ninda̱ʼa̱a̱ (2Co 12:7-9; Ef 3:20). Guʼyáá tikhu xóo Jeobá nariʼñulú.

• Naxnúlú tsiakii ga̱jma̱a̱ naʼni rí makuwáanʼ tsímáá ma̱ngaa naʼni gújkhúʼ fe ndrígúlú mu maʼngulú muraʼníí xkujndu (Flp 4:13).

• Naxnúlú ku̱ma̱ mu muraʼwíí májánʼ rí mu̱ʼni̱ (Snt 1:5).

• Naʼni rí maʼndulú muʼni ga̱jma̱a̱ naxnúlú tsiakii rí mbaʼyulú náa mbá ñajunʼ (Flp 2:13).

• Naʼni̱i̱ a̱jkiu̱lú índo̱ kuwáanʼ ngíná (Flp 4:6, 7).

• Najmiuu eʼwíinʼ mu mumbayulúʼ (1Jn 3:17, 18).

• Nambáñúún xa̱bu̱ bi̱ ikháanʼ nuʼtájkáan numún (Hch 12:5, 11).

NDA̱WA̱Á RÍ NITAYÁÁ VIDEO JEOBÁ NINDXU̱U̱ BI̱ “NAʼDXAWUN ÍNDO̱ NUGRÍGA̱A̱”, ATRIʼÑA̱A̱ GRAXE̱ RÍGI̱:

• Xú káʼnii exnún tsiakii experiencia ndrígóo ndxájulú Shimizu bi̱ guáʼdáá mbá nandii rá.

• Xú kaʼnii gándoo guʼyaridáá xkri̱da ndrígóo ndxájulú Shimizu rá.