19-25 ÑAJUNʼ GU̱Nʼ MAYO
PROVERBIOS 14
Ajmúú 89 ga̱jma̱a̱ muʼtájkáan | Najuiʼthá índo̱ nagi̱ʼdu̱u̱ (1 min.)
1. Índo̱ gárígá mbá gamiéjunʼ atatsaʼwáminaʼ májánʼ dí gátani̱
(10 min.)
Atiewu̱nmi̱na̱ʼ mu xátatsi̱mba̱a̱ʼ xúgíʼ rí gútha̱nʼ (Pr 14:15; w23.02 22, 23 kutriga̱ 10-12).
Xáku̱ma̱a̱ʼ xtayaminaʼ i̱ndó ikháán o ga̱jma̱a̱ numuu rí nigíʼnaaʼ (Pr 14:12).
Xátatsimba̱a̱ʼ xtañún bi̱ tsénimbu̱u̱n ikha rí naxná xuajñuu Jeobá (Pr 14:7).
ATATSAʼWÁMINAʼ: Ancianos, lá kuwáanʼ xawii mu muni̱mbala ikha rí gáxná xuajñuu Jeobá ga̱jma̱a̱ maku̱ma̱la kuya̱a̱ ikhaa índo̱ gárígá mbá gamiéjunʼ ráʼ. (w24.07 5 kutriga̱ 11.)
2. Guʼyáʼ rí gíʼdoo numuu
(10 min.)
Pr 14:29. Xú káʼnii embáyulú rí maʼngo̱o̱ a̱jkiu̱lú rá. (w23.08 25 kutriga̱ 16.)
Náa nitraxnuu Biblia xmáná rígi̱, ndiéjunʼ rí gíʼdoo numuu nanigua̱a̱ʼ marata rá.
3. Migixnuu Biblia
(4 min.) Pr 14:1-21 (th kíxnuu 11).
4. Atagíʼdi̱i̱ marata̱
(3 min.) NÁA KUWA MBA’IN XA̱BU̱. Atasngájmáá mbáa xa̱bu̱ bi̱ naxmiéjuunʼ ga̱jma̱a̱ numuu mbújkha̱a̱ dí eʼthí náa Biblia ga̱jma̱a̱ numuu rígi̱ (lmd kíxnuu 3 punto 3).
5. Atanga̱án gátayaa xa̱bu̱
(4 min.) MÁMBÁ GUʼWÁ. Aratháán xa̱bu̱ ga̱jma̱a̱ numuu mbá tema dí ninigu̱u̱ʼ nákhá niratamíjná ga̱jma̱a̱ʼ timbá aʼphu̱, nda̱wa̱á araxnáá mbá revista dí na̱ʼkha̱ raʼthí ga̱jma̱a̱ numuu rígi̱ (lmd kíxnuu 9 punto 4).
6. Gusngún xa̱bu̱
(5 min.) Ataxkajxi̱i̱ xa̱bu̱ bi̱ narasngáá dí maguxnuu Biblia xúgíʼ mbiʼi ga̱jma̱a̱ atasngájmáá xú káʼnii gáʼni rígi̱ (th kíxnuu 19.)
Ajmúú 126
7. Gakuwáanʼla xawii índo̱ gárígá mbá gamiéjunʼ
(15 min.) Arathá gajmiáanʼ bi̱ kúwá ikhí.
Rígi̱ maxná bi̱ kayá edxu̱u̱. Á mu rígá mbá rí niʼthí sucursal o mbá awan rí niri̱ya̱ʼ bi̱ kuya̱ edxu̱u̱ ma̱ndoo marathu̱u̱n a̱ngiu̱lú.
Kuwáánʼlu náa “iwáá mbiʼi” ikha jngóo nduʼyáá dí marigá itháán xkujndu (2Ti 3:1). Mámbá géʼni Jeobá naxnún ikha xuajñuu mu muni kawumijná índo̱ narígá mbá gamiéjunʼ. Ikháánʼlú ma̱ndoo muʼni kríyamijná á mu nuʼniratamijná wapháá ga̱jma̱a̱ nuʼni itháán gújkhúʼ fe ndrígulú (Pr 14:6, 8).
Atani̱ rí fe ndrígáaʼ maʼni itháán gújkhúʼ. Gaguʼwaanʼ matraxnuu Biblia ga̱jma̱a̱ matanigajma̱a̱, gajmañaaʼ marataráʼa itháán májánʼ tséʼniuu asndu náa, xámiñaaʼ á mu eʼwíinʼ nuni̱ dí xáraxtaa mbóó gajmiáanʼ a̱ngiu̱lú (Pr 14:30). Garmáʼáan a̱jkia̱a̱nʼ dí Jeobá Dios ga̱jma̱a̱ Jesucristo makuwá má xúʼko̱ ga̱jma̱á nindxa̱a̱ʼ (od-S 175, 176 kutriga̱ 15-17).
Atanirataminaʼ wapháá. Gíʼmaa muguaʼdáá mochila de emergencia mú ma̱ngaa mámbá guʼwá gíʼmaa marigá ganitsu, iyaʼ, thana ga̱jma̱a̱ i̱ʼwáʼ rí maʼngo̱o̱ mu makuwá ga̱jma̱a̱ á mu ndayóoʼ rí maguanún mbayuʼ mbiʼi náa guʼwá (Pr 22:3; g17.5-S 4).
Atagrígu VIDEO Xtaa xawii á mu narígá mbá gamiéjun’ rá’. Nda̱wa̱á atani̱ grajxe̱ rígi̱:
Xú káʼnii gándoo gámbáyulú Jeobá índo̱ gárígá mbá gamiéjunʼ rá.
Ndiéjunʼ gándoo muʼnilú mu muʼni ratamijnálú rá.
Xú káʼnii gándoo gúmbáñún bi̱ numíníiʼ ga̱jma̱a̱ numuu mbá gamiéjunʼ rá.