9-15 ÑAJUNʼ GU̱Nʼ JUNIO
PROVERBIOS 17
Ajmúú 157 ga̱jma̱a̱ muʼtájkáan | Najuiʼthá índo̱ nagi̱ʼdu̱u̱ (1 min.)
A̱jmi̱i̱n israelitas bi̱ nidamijná, tsímáá tri̱gi̱i̱n naʼphu̱ i̱ndó pan náa guʼwún.
1. Araxtaa tsímáá ga̱jma̱a̱ʼ bi̱ ndiyáa
(10 min.)
Gajkhun má dí nguáná naʼni gakhi̱i̱ makuwáanʼla tsímáá mú gíʼdoo wéñuuʼ numuu rí muni̱ tsiakimijna (Pr 17:1; atayáá xtiʼkhuu dí na̱ʼkha̱).
Xátani dí mbá xkujndu chíʼgíiʼ maʼni itháan mba̱a̱ (Pr 17:9; g 9/14 11 kutriga̱ 2).
Xakiʼnán mbá nacha̱ (Pr 17:14; w08 1/5 11 kutriga̱ 1, 2).
2. Guʼyáʼ rí gíʼdoo numuu
(10 min.)
Pr 17:3. Xó má eʼthí versículo rígi̱, ndíjkha gíʼdoo numuu rí muñewa̱a̱n a̱jkiu̱lú rá. (w23.06 20 kutriga̱ 3.)
Náa nitraxnuu Biblia xmáná rígi̱, ndiéjunʼ rí gíʼdoo numuu nanigua̱a̱ʼ marata rá.
3. Migixnuu Biblia
(4 min.) Pr 17:1-17 (th kíxnuu 10).
4. Atagíʼdi̱i̱ marata̱
(3 min.) ASNDU NÁA. (lmd kíxnuu 3 punto 5).
5. Atagíʼdi̱i̱ marata̱
(4 min.) NÁA KUWA MBA’IN XA̱BU̱. Aratháán xa̱bu̱ marasngáá ga̱jma̱a̱ numuu Biblia (lmd kíxnuu 6 punto 4).
6. Discurso
(5 min.) w24.01 23, 24 kutriga̱ 10-13. Edxu̱u̱: Jeobá maxnúlú tsiaki̱i̱ (th kíxnuu 13).
Ajmúú 113
7. Dí mambáyala mu mutamijná májánʼ
(15 min.) Arathá gajmiáanʼ bi̱ kúwá ikhí.
Mu makuwá gagi náa mbá guʼwíin ndayóoʼ rí mutamijná májánʼ. Índo̱ xúgíinʼ nuta xóo ekumu̱ún nuñajunʼ mbóó mu munimbáníí dí nixudami̱jná muni̱ ga̱jma̱a̱ numbayumijná índo̱ nuraʼníí gamiéjunʼ (Pr 15:22). Ndiéjunʼ gándoo munila mu mutamijnála itháán májánʼ rá.
Guríya̱ʼ mbiʼi mu makuwáanʼla mbóó (Dt 6:6, 7). Índo̱ xúgiáanʼ nuñajunʼ mbóó jnduʼ, nuni̱ ñajuunʼ Jeobá, nuni̱ gagimijná mbá kambájxala, ikhú naʼni rí maʼndala kuyamijná itháan ga̱jma̱a̱ itháan nakumala kuyamijná. Gajkhun má dí nguáná mbaʼyóoʼ muʼni mbá dí eʼwíinʼ nanigu̱u̱nʼ muni̱ maski ajndu ikháanʼ tsénigu̱lú muʼni, mú rígi̱ maʼni dí makuwáánʼlú itháan májánʼ (Flp 2:3, 4). Xú káʼnii gájmulu májánʼ mbiʼi ndrígulú índo̱ nakuwáanʼ mbóó gajmiúlú bi̱ kúwá náa guʼwúlú rá. (Ef 5:15, 16.)
Atagrígu VIDEO Gunimbáníí ikha rí maʼni makuwáanʼla tsímáá mbá guʼwáanʼ: Xúniʼñáánʼ rutamíjnala. Nda̱wa̱á atani̱ grajxe̱ rígi̱:
Ndiéjunʼ gamíi marigá á mu tséñewa̱nlú xóo ejmulú celular índo̱ nuʼtamijná gajmiúlú bi̱ kúwá náa guʼwúlú rá.
Ndiéjunʼ eʼsngúlú video rígi̱ ga̱jma̱a̱ numuu xóo muʼthámijna májánʼ gajmiúlú eʼwíinʼ rá.
Gajmañaaʼ matadxawíín (Snt 1:19). Índo̱ e̱ji̱n nduyáá dí xabuanii na̱nguá ekru̱ʼu̱u̱n kuñún o nakiʼníin kuñún, ikhiin namíñúún gúthún xóo ekumu̱ún. Ikha jngóo á mu a̱ʼdiáaʼ naʼtháanʼ mbá dí naʼni maxmiéjuunʼ, xákiʼnán mbá nacha̱ (Pr 17:27). Itháán májánʼ gáʼni dí matadxawíín rí gáʼtháanʼ ma̱ngaa gakrua̱ʼa̱a̱ xóo endxa̱ʼwáminaʼ ga̱jma̱a̱ xóo eku̱mu̱u̱, á mu natani̱ rígi̱ ma̱ndoo matambáyíi ga̱jma̱a̱ ikháán matasnga̱jmá dí nandaaʼ xtayáá.