22-28 ÑAJUNʼ GU̱Nʼ SEPTIEMBRE

GÍʼDOO NUMUU RÍ NA̱ʼKHA̱ NÁA BIBLIA

1. Arasngún má xúʼko̱ bi̱ naguwáʼ nda̱wa̱á

(10 min.)

[Atagrígu VIDEO Rí naʼthí ga̱jma̱a̱ numuu Eclesiastés].

Ndayóoʼ muʼsngúún bi̱ itháan jiáma̱á (Ec 1:4; w17.01 26, 27 kutriga̱ 3, 4).

Índo̱ nuʼsngúún eʼwíinʼ ga̱jma̱a̱ nuxnún ñajunʼ muni̱, numbáñún mu mbuyáá dí matiejunʼ gakhi̱i̱ náa xuajñuu Jeobá naʼni maraxtaa gagi (Ec 2:24).

Ndxájulú ndxáma̱á bi̱ nindxu̱u̱ anciano naʼniuu conducir i̱yi̱i̱ʼ Bi̱ Nayejngoo ga̱jma̱a̱ ndxájulú nikhi̱i̱ naguxnuu i̱yi̱i̱ʼ, ikhaa nadxuu índo̱ ndaʼyoo ndxájulú. — Xátatsiʼñáʼ rarasgúún a̱ngiu̱lú jiáma̱á numuu rí namíñáaʼ dí ikhiin makánún ñajunʼ dí ikháán nanigua̱a̱ʼ matani̱.

2. Guʼyáʼ rí gíʼdoo numuu

(10 min.)

Ec 2:11. Ndiéjunʼ nijmañuu Salomón ga̱jma̱a̱ numuu rí matiejunʼ gakhi̱i̱ mu maraʼdáá wéñuuʼ rá. (w18.12 22 kutriga̱ 14.)

Atriʼña̱a̱
Náa nitraxnuu Biblia xmáná rígi̱, ndiéjunʼ rí gíʼdoo numuu nanigua̱a̱ʼ marata rá.

Atriʼña̱a̱

3. Migixnuu Biblia

(4 min.) Ec 1:1-18 (th kíxnuu 11).

GANINDXU̱LÚ MBÁA BI̱ NAʼSNGÁA MÁJÁNʼ

4. Atagíʼdi̱i̱ marata̱

(2 min.) ASNDU NÁA. Atayáá ndiéjunʼ rí naniguuʼ maʼdxuun xa̱bu̱ ga̱jma̱a̱ gambanáaʼ matangaán maratamíjná ga̱jma̱a̱ʼ (lmd kíxnuu 3 punto 5).

5. Atagíʼdi̱i̱ marata̱

(2 min.) NÁA KUWA MBA’IN XA̱BU̱. Gajmaaʼ mbá “Kisngáa dí nanigulúʼ muʼsngáa” xó má naʼthí náa na̱ʼkha̱ itháan: A, ndrígóo folleto Gumbáñún xa̱bu̱ (lmd kíxnuu 2 punto 3).

6. Atanga̱án gátayaa xa̱bu̱

(2 min.) ASNDU NÁA. Atriʼña̱a̱ grajxe̱ dí niʼniaaʼ nákha timbá aʼphu̱ dí niratamíjná ga̱jma̱a̱ʼ (lmd kíxnuu 9 punto 5).

7. Gusngún xa̱bu̱

(5 min.) NÁA KUWA MBA’IN XA̱BU̱. Atasngájmáá xóo nindxu̱u̱ rí miʼsngáa numuu Biblia ga̱jma̱a̱ atríya̱ʼ awan mu xátatsiʼñáʼ rarasngáá (lmd kíxnuu 10 punto 3).

XÓO KUWÁANʼ BI̱ NI̱NDXU̱LÚ CRISTIANOS

8. Ajtsú enii dí mambáyulú mu muʼsngúún májánʼ eʼwíinʼ

(15 min.) Arathá gajmiáanʼ bi̱ kúwá ikhí.

Mbaʼa xtiʼkhuu: Nakujmaa mbaʼa xtiʼkhuu náa nakujmiin a̱ngiu̱lú. 1. Mbáa ndxájulú xa̱biya̱ naʼsngóo mbáa ndxájulú a̱ʼgu̱ xú káʼnii gájmuu mbá sierra eléctrica, ikhiin kúwá náa naguma guʼwá. 2. Mbáa ndxájulú nikhi̱i̱ ndaʼyoo xóo eʼnirataminaʼ mbáa ndxájulú ndxáma̱á mu maxná discurso ndrígóo, kúwá náa Guʼwá nagimbáanʼ índo̱ ndáwáa nimbáa. Ndxájulú nikhi̱i̱ kuajtuun folleto Gajmañaaʼ matraxnuu ga̱jma̱a̱ marasngáa májánʼ. 3. Mbáa ndxájulú nikhi̱i̱ naʼsngóo mbáa ndxámá xóo mariʼkhu̱u̱ pílóo micrófono. 4. Mbáa xa̱bu̱ nikhi̱i̱ gajmíi̱n a̱jmi̱i̱n e̱ji̱i̱n jiámá nuʼni kaʼwi̱i̱ náa Guʼwá nagimbáanʼ. Xa̱bu̱ nikhi̱i̱ ga̱jma̱a̱ a̱ʼdióo bi̱ nikhi̱i̱ nuni̱ aspirar náa plataforma, ga̱jma̱a̱ a̱ʼdióo bi̱ lájuíin nakúdíi atril ga̱jma̱a̱ mbá xtíin. — Numuu rí nandulúʼ kuʼñúún a̱ngiu̱lú ikha jngóo nuʼsngúún mu mangiin manigu̱u̱nʼ muni̱ ñajunʼ dí Jeobá naxnúlú muʼni.

Mu majmañulú muʼsngúún májánʼ eʼwíinʼ ndayóoʼ mbuʼyaridáá xkri̱da dí nuxkamalú náa Biblia. Ikhí nduʼyáá xóo Samuel niʼsngóo Saúl, Elías niʼsngóo Eliseo, Jesús niʼsngúún xa̱bi̱i̱ ma̱ngaa xóo Pablo niʼsngóo Timoteo. Mú bi̱ itháán najmañuu naʼsngáa nindxu̱u̱ Jeobá. Ndiéjunʼ ejmañulúʼ náa ikhaa xá.

Atagrígu VIDEO Guʼyaridáá Jeobá índo̱ gúʼsngún eʼwíinʼ (Juan 5:20) (mbá xuíʼtóo). Nda̱wa̱á atani̱ grajxe̱ rígi̱:

Ndiéjunʼ ajtsú enii ejmañulúʼ índo̱ nduʼyáá xóo eʼsngáa Jeobá rá.

Atriʼña̱a̱

9. Najmañulúʼ ga̱jma̱a̱ numuu Biblia náa congregación

(30 min.) lfb kíxnuu 20, 21.