Nandii dí naku̱mu̱u̱ náa ngáñúúʼ xa̱bu̱: Biblia ma̱ndoo mambáyúlú

I̱yi̱i̱ʼ rígi̱ nawiʼtaraʼa xúgíʼ numbaaʼ mú miʼsngáá ga̱jma̱a̱ numuu Biblia, ma̱ngaa ragíʼmaa maxtango̱jo̱o̱ i̱ndó nambayumináʼ ga̱jma̱a̱ mbújkha̱a̱ rí nagájnuu náa a̱jkiu̱ún xa̱bu̱. Á mu nandaʼ maraxna mbújkha̱a̱, ata̱ʼa̱ʼ náa donate.jw.org. Á mu tséʼthi imbo̱o̱ʼ, texto ndrígóo Biblia rí nijmaa nigájnuu náa La Biblia. Traducción del Nuevo Mundo, 2019 Náa ajngáa Xtílóo. Ma̱ngaa najmaa Biblia Me̱ʼpha̱a̱ Rí nakánún bi̱ makuwá náa numbaaʼ nuxi̱ʼ Mateo – Apocalipsis.

BI̱ NAYEJNGOO nindxu̱u̱ mbá revista rí niguma mu mbaʼyamajkuu Jeobá, Dios bi̱ kaʼyoo maʼtáñajunʼ náa xúgíʼ numbaaʼ. Naxnún tsiakii xa̱bu̱ índo̱ naʼthí rí Reino ndrígóo Dios, mbáa Xa̱bu̱ Ñajunʼ bi̱ xtáa mekhuíí, nacha̱ má gáʼni gámbáa dí ra̱májánʼ ga̱jma̱a̱ maʼni̱i̱ mbá Ku̱ba̱ʼ mitsaan. Ma̱ngaa, naʼni maguaʼdáá fe náa rey bi̱ xtáa raʼtáñajunʼ, Jesucristo, bi̱ nikháñu mu ikháanʼ ma̱ndoo makuwaanʼ kámuu mbiʼi. I̱yi̱i̱ʼ rígi̱ nagájnuu má xúʼko̱ asndu nákha tsiguʼ 1879, tsekudaminaʼ náa política ga̱jma̱a̱ ndaʼyoo rí Biblia naʼtáñajunʼlu.