LÁ NARMÁʼÁAN A̱JKIA̱A̱Nʼ RÁʼ.

Nitraxnuu tsumáá náa iwáá revista Bi̱ Nayejngoo dí nigájnuu ráʼ. Atayáá á mu majmáán matriʼña̱a̱ graxe̱ rígi̱:

Ndiéjuunʼ eyoo gáʼthúu̱n dí muriʼkhu̱u̱ rí nundxaʼwamíjna rá. (Rom. 12:2).

Ndayóoʼ itháán tsiaki̱i̱. Ndayóoʼ mbuʼyáá xóo nindxu̱lú awúúnʼ ga̱jma̱a̱ guriʼkumijnáá mu xúʼko̱ makuwáanʼ xóo má naʼthí xtángoo ndrígóo Dios (w23.01, ináa 8 ga̱jma̱a̱ 9).

Xóo guʼyáá awa̱án dí narígá náa xúgíʼ numbaaʼ rá.

Xúgíʼ dí xtáa rarígá náa numbaaʼ nindxu̱u̱ xóo na̱jkha̱ rambánuu profecías. Mú tsíyulú muʼthá rí nandulúʼ ikháanʼ rí maʼni wajíin a̱ngiu̱lú náa Guʼwá nagimbáanʼ, muʼthá xóo má naʼthí xuajñuu Jeobá (1 Cor. 1:10) (w23.02, ináa 16).

Ndiéjunʼ rí naʼni mixtiʼkhu xóo nijngúunʼ iyááʼ Jesús ga̱jma̱a̱ xóo nijngúúnʼ iyááʼ xa̱bi̱i̱ xá.

Rí naʼni mixtiʼkhu, Jesús na̱nguá ndiyóoʼ maxnájximinaʼ náa Jeobá numuu rí ikhaa nixtáa náa xuajin dí kixnájxi̱ má náa Dios. Ikhaa nindxu̱u̱ jmbii ga̱jma̱a̱ na̱nguá ndiyóoʼ rí maguma mba̱a̱ a̱jkiu̱ún kuyáá aʼkhá ndrígóo (w23.03, ináa 5).

Ndiéjuunʼ ma̱ndoo muʼni mu muni̱i̱ comentar mbaʼin a̱ngiu̱lú náa reunión rá.

Xuxná comentario dí mbaʼ wéñuuʼ, mu xúʼko̱ ma̱ndoo muni̱i̱ comentar eʼwíinʼ a̱ngiu̱lú mangiin. Ma̱ngaa xúʼthá má wéñuuʼ, mu eʼwíinʼ marigá dí muthi (w23.04, ináa 23).

Ndiéjuunʼ nindxu̱u̱ “Kamba̱a̱ rí Kaʼwu” dí naʼthí náa Isaías 35:8 rá.

Na̱nguá ninindxu̱u̱ kamba̱a̱ gajkhun náa rí niguwáánʼ judíos, índo̱ nigájniin náa Babilonia mu maguáʼnún náa Israel. Dí mbiʼi xúgi̱ rá. Mba̱yu̱u̱ʼ tsiguʼ asndu nákha 1919, nigi̱ʼdu̱u̱ niguma májáanʼ kamba̱a̱, mbá xkri̱da rí nagumaa imprimir ga̱jma̱a̱ rí najuiʼtájui̱i̱ Biblia. “Kamba̱a̱ rí Kaʼwu” na̱jkha̱ kagui̱i̱n xa̱bi̱i̱ Dios mu mambajxúu̱n májánʼ gajmiún ikhaa, ma̱ngaa rí nda̱wa̱á maguma tsajkurámiinʼ gáʼni xa̱bu̱ ndrígóo Dios (w23.05, ináa 15 asndu 19).

Tsíín ñajúúnʼ gu̱ʼu̱ bi̱ na̱ʼkha̱ raʼthí náa capítulo 9 ndrígóo Proverbios rá.

Náa i̱yi̱i̱ʼ ndrígóo Proverbios naʼthí ga̱jma̱a̱ numuu mbáa “a̱ʼgu̱ bi̱ tséndxaʼóo májánʼ edxu̱u̱” rí á mu natasimbaaʼ rí gaʼtháanʼ maʼga̱ kañáán náa “Iña wajin”. Mú naʼthí ga̱jma̱a̱ numuu i̱mba̱a̱ a̱ʼgu̱ mbu̱júu̱ bi̱ gíʼdoo “ku̱ma̱” á mu rí natatsimbaaʼ rí gaʼtháanʼ “maʼni rí majmañaaʼ” ga̱jma̱a̱ maraxtaa (Prov. 9:​1, 6, 13, 18) (w23.06, ináa 22 asndu 24).

Xú káʼnii nisngájma Jeobá rí nindxu̱u̱ xa̱bu̱ guabaaʼ ga̱jma̱a̱ rí nandxaʼwóo májánʼ edxu̱u̱ xóo niʼniuu Lot xá.

Jeobá niʼthúu̱n Lot dí magajnúu náa Sodoma rí magayúu náa kúbá. Índo̱ Lot, niʼtákáñuu Jeobá dí maniñuuʼ maʼga̱ gaxtáa náa Zóar, Dios niʼdxuun rí niʼthúu̱n (w23.07, ináa 21).

Ndiéjunʼ ma̱ndoo maʼni a̱ʼgu̱ á mu ajmbio̱o̱ ndaʼyoo pornografía rá.

Gíʼmaa mbaʼyoo rígi̱, dí ikhaa na̱nguá gíʼdoo aʼkhúun. Májánʼ gáʼni rí mambajxúu itháán májánʼ ga̱jma̱a̱ Dios ma̱ngaa mandxaʼwáminaʼ ga̱jma̱a̱ numún gu̱ʼu̱ bi̱ naʼthí náa Biblia bi̱ Jeobá niʼni̱i̱ a̱jkiu̱ún ga̱jma̱a̱ numuu rí nixmiéjúúnʼ Ma̱ndoo mambáyúu ajmbio̱o̱ mu xátanga̱a̱ mbaʼyoo mbu̱júu̱ (w23.08, ináa 14 asndu 17).

Índo̱ nuta numáá rí nuʼnimbulúʼ, xú káʼnii gámbáyulú, rí manindxu̱lú xa̱bu̱ guabaaʼ rá.

Ga̱jma̱a̱ xóo graxe̱ dí gáʼni rúʼko̱ ma̱ndoo mbuʼyáá ndiéjuunʼ rí nandxa̱ʼwáminaʼ o rí naʼni maxmiéjuunʼ. Ga̱jma̱a̱ rúʼko̱ gámbáyulú mu muriʼñáá májánʼ (w23.09, ináa 17).

Ndiéjuunʼ ejmañulúʼ dí niʼni María mu magruigú tsiaki̱i̱ rá.

Índo̱ María niʼdxuun dí mani̱ndxu̱u̱ ru̱dúu̱ Mesías, nimbáyuminaʼ náa eʼwíinʼ. Gabriel ga̱jma̱a̱ Elisabet nixnáá tsiaki̱i̱ ga̱jma̱a̱ Escrituras. Xúʼko̱ má mangáánʼ ma̱ndoo muxnulú tsiaki̱i̱ a̱ngiu̱lú (w23.10, ináa 15).

Xú káʼnii nariʼñulú Jeobá dí nuʼtákáñii rá.

Dios naʼthúlú rí naʼdxawuun rí nuʼtájkáan ga̱jma̱a̱ ikhaa nariʼña̱a̱ (Jer. 29:12). Ma̱ndoo mariʼñulú i̱ʼwáʼ enii, mú mambáyulú má xúʼko̱ (w23.11, ináa 21 ga̱jma̱a̱ 22).

A mu dí náa Romanos 5:2 naʼthí má ga̱jma̱a̱ numuu rí kua̱ʼthi̱i̱n nda̱wa̱á, ndíjkha rí naʼthí mbu̱júu̱ náa versículo 4 rá.

Asndu nákha índo̱ mbáa xa̱bu̱ naʼdxawuun ajngáa rí májánʼ, mbáa ma̱ndoo maxtáa náa Ku̱ba̱ʼ mitsaanʼ. Mú índo̱ naʼngo̱o̱ naraʼnuu gaʼkhu ga̱jma̱a̱ ndaʼyoo rí nandoo kaʼyoo Jeobá, xúʼko̱ naʼni itháán mba̱a̱ fe ndrígóo náa Dios ga̱jma̱a̱ rí gíʼthu̱u̱n nda̱wa̱á (w23.12, ináa 12 ga̱jma̱a̱ 13).