“Naʼni mba̱a̱ a̱jkiu̱u̱n kaʼyoo aʼkhá dí nirígá nákha ginii”

Índo̱ Jesús nikháñuu ga̱jma̱á numulú, xúʼko̱ niʼni rí Dios ma̱ndoo maʼni mba̱a̱ a̱jkiu̱u̱n kaʼyoo aʼkhúlú (Efes. 1:7). Maski ajndu xúʼko̱, náa Biblia naʼthí rí Dios “Dios naʼngo̱o̱ a̱jkiu̱u̱n, naʼni mba̱a̱ a̱jkiu̱u̱n kaʼyoo aʼkhá dí nirígá nákha ginii” xóo muʼthá nákha xóó tsexnáximinaʼ Jesús (Rom. 3:​25, nota). Xú káʼnii gándoo Jeobá maʼni rígi̱, dí asndu xánújngurámuuʼ xtángoo ndrígóo xá.

Asndu nákha mbiʼi dí Jeobá niʼthí rí ma̱ʼkha̱ mbáa bi̱ maʼni káwíin bi̱ muguaʼdáá fe náa ikhaa, ndiʼyoo rí asndu xóo niʼtsiwáanʼ má (Gén. 3:15; 22:18). Jeobá ndiʼyoo gajkhun dí A̱ʼdióo maxtáa xawii maxnáximinaʼ makhañúu índo̱ gáʼga̱nú mbiʼi (Gál. 4:4; Heb. 10:​7-10). Índo̱ Dios nikungua̱a̱nʼ Jesús náa tsu̱du̱u̱ Ku̱ba̱ʼ, ikhaa nigiʼdoo ñajunʼ rí maʼni mba̱a̱ a̱jkiu̱u̱n kaʼñúún xa̱bu̱ ga̱jma̱a̱ numuu aʼkhúún, asndu nákha mbiʼi rí xóó tsekháñu. Xa̱bu̱ bi̱ guáʼdáá fe náa ikhaa, nandoo má naguma mba̱a̱ a̱jkiu̱ún ga̱jma̱a̱ numuu aʼkhá ndrígu̱ún dí maxnáximinaʼ ikhaa nda̱wa̱á (Mat. 9:​2-6).