Ataniratáá a̱jkia̱a̱nʼ

Índo̱ nuʼnigajma̱a̱ Biblia nandulú rí maʼga̱nú asndu náa a̱jkiu̱lú rí najmañulú ga̱jma̱a̱ numuu Jeobá ga̱jma̱a̱ mariʼkhu̱u̱ xóo nundxaʼwamíjna̱, rí nakumulú ga̱jma̱a̱ rí nandulúʼ mu̱ʼni̱. Guʼyaridáá xkridoo Esdras bi̱ “niʼniratoo a̱jkiu̱u̱n ga̱jma̱a̱ niʼnigajmaa Xtángoo ndrígóo Jeobá” (Esd. 7:10). Xú káʼnii gándoo gátani̱ ikháán xó má niʼni Esdras rá.

Aratájkáan. Nákhá xóó tsétagíʼdi̱i̱ matanigajma̱a̱, atanda̱ʼa̱a̱ Jeobá rí mambáyáaʼ makrua̱ʼa̱a̱ʼ ma̱ngaa rí mataʼgíʼ matani̱ dí nadxu̱ʼ rajmañaʼ (Sal. 119:​18, 34).

Ganindxa̱a̱ʼ xa̱bu̱ guabaaʼ. Dios narkaʼwu rí gajkhun náa bi̱ nu̱ni̱ mbaʼumíjna̱ ga̱jma̱a̱ náa bi̱ naku̱mu̱ún rí itháán má najmañún ikhiin (Luc. 10:2). Xátani gájma̱a̱ i̱ndó mu mbuyáá eʼwíinʼ rí najmañaaʼ. Á mu índo̱ xtaa ratraxnuu natayáá dí rígá rí ndayóoʼ matriʼkui̱i̱, ganindxa̱a̱ʼ xa̱bu̱ guabaaʼ ga̱jma̱a̱ atriʼkhu̱u̱ náa ndayóoʼ.

Atadxawíín mbá ajmúú ndrígóo Reino. Ajmúú gíʼdoo tsiaki̱i̱ mu mambáʼtoo a̱jkiu̱lú ga̱jma̱a̱ xúʼko̱ naʼniratáanʼ mbuʼyamajkuíí Dios. Á mu nákha xóó tséʼni gájmaa nuʼdxawíín mbá ajmúú mambáyulú muʼgíʼ edxulú náa nuʼni gájmaa ma̱ngaa mambáyulú mbuʼyáá náá ndayóoʼ muriʼkhu̱u̱.