Índice

Bi̱ ni̱ndxu̱lú xa̱bi̱i̱ Dios nadxulú índo̱ nduʼyáá rí xúgíʼ tsiguʼ najngún iyááʼ mbá 250,000 xa̱bu̱. Mbaʼin wéñuʼ ni̱ndxu̱ún jiáma ga̱jma̱a̱ wa̱ʼxa̱ʼ ma̱ngaa tikhun ni̱ndxu̱ún e̱ji̱n xóó. Náa a̱jma̱ artículos rígi̱ gúʼyáá xú káʼnii ndiyáá rí kuwa xawii mu majngún iyááʼ ga̱jma̱a̱ xú káʼnii niniratamijná mu muraʼwíí muni rígi̱.

Índo̱ kuwáanʼ kambáxulú ga̱jma̱a̱ nuñajunʼ mbóó jnduʼ mu muʼni rí Dios na̱ndu̱ʼu̱lú, ikhaa naʼni tsajkurámáánʼ. Náa artículo rígi̱ naxnúlú ku̱ma̱ mu mambáyulúʼ makuwáanʼ mbá kambáxulú índo̱ nuʼtáraʼa xóo congregación o mbá guʼwáanʼ.

Jeobá nixnúún má xúʼko̱ ikha xa̱bi̱i̱. Náa artículo rígi̱ gúʼyáá rí Jeobá naxná nuxi̱ʼ ikha índo̱ naxtiʼkhuu awan ndrígóo xuajñu. Ma̱ngaa mbuʼyáá xú káʼnii gándoo guxkamaa ikha ndrígóo Jeobá.