Kíxnuu 6

Káʼnii lá nindxu̱u̱ Reino ndrigóó Dió rá.

Ná lá xtaa Reino ndrigóó Dió. (1)

Tsáa lá nindxu̱u̱ Rey ndrigio̱o̱ rá. (2)

Lá kúwi̱i̱n eʼwíínʼ xa̱bu̱ bí mutañajunʼ gajmiún Rey rí. Ámu xúʼkhii̱n, nguati̱i̱n xá. (3)

Káʼnii lá esngájma rí kuwánʼ iwaa mbiʼi. (4)

Káʼnii gaʼni Reino ndrigio̱o̱ Dió nda̱wa̱á ga̱jma̱a̱ numúun xa̱bu̱ rá. (5-7)

1. Índo̱ nixtáa Jesús náa tsu̱du̱u̱ ku̱ba̱ʼ, niʼsngúún bí nagun ki̱dxu̱ʼ rí mutajkáán mú munda̱ʼa̱ rí ma̱ʼkha̱ Reino ndrigio̱o̱ Dió. Reino nindxu̱u̱ xóo mbóó guʼwá ñajunʼ náa eʼtáñajunʼ Rey. Reino ndrigio̱o̱ Dió nindxu̱u̱ mbóó guʼwá ñajunʼ gajunʼ bí phú ikhaa. Rí xúgi̱ xtáa mekuíí raʼtañajunʼ mangoo maʼtañajunʼ tsu̱du̱u̱ ku̱ba̱ʼ. Maʼni kaʼwi̱i̱ nambiʼyuu ndrigóó Dió. Maʼni rí eyoo Dió náa tsu̱du̱u̱ ku̱ba̱ʼ xó má mekuíí (Mateo 6:9, 10).

2. Dió nikudamináʼ maʼni rí Jesús maʼganú manindxu̱u̱ Rey ná Reino ndrigóó (Lucas 1:30-33). Índo̱ Jesús nixtáa náa tsu̱du̱u̱ ku̱ba̱ʼ, nisngájma rí manindxu̱u̱ mbáá Xa̱bu̱ Ñajunʼ májánʼ, jmbii mangoo kañiʼ. Índo̱ nigutanga̱a̱ mekuíí, tugi̱ʼ núkhu maʼtáñajunʼ xó Rey ná Reino ndrigio̱o̱ Dió (Hebreos 10:12, 13). Nákha 1914, Jeobá niʼni rí Jesús maguduun ñajunʼ rí niʼthu̱u̱n maxnúú. Ndu nákha ikhú, Jesús naʼtáñajunʼ mekuíí xó Rey ndrigio̱o̱ Jeobá, ikhaa ndiyaduun ñajunʼ (Daniel 7:13, 14).

3. Mangoo Jeobá niraʼwíín tikhun xa̱beka̱ gajmiún gu̱ʼu̱ náa tsu̱du̱u̱ ku̱ba̱ʼ bí tuniñanʼ mbá kayuʼ, mú magúun mekuíí. xa̱bu̱ bugi mutañajúnʼ xa̱bu̱ numbaa náa nijniu Jesús ndu xó rey, jué mangoo dxajkun (Lucas 22:28-30; Rí huasjŋgajma Juan 5:9, 10). Jesús nixná mbiʼñún «mugu̱ su rambaʼjin» xa̱bu̱ bí maʼtáñajunʼ gajmíín ná Reino ndrigóó. Rí mbá xúgínʼ nindxu̱u̱n 144.000 (Lucas 12:32; Rí huasjŋgajma Juan 14:1-3).

4. Índo̱ Jesús nijkanú ninindxu̱u̱ Rey, nacha̱ nixkriaʼ Gixa̱a̱ gajmíín ánkli mekuíí bí ra̱míjínʼ wéñuʼ mangoo nikruigúún náa tsu̱du̱u̱ ku̱ba̱ʼ. Ikha jngó xúgíʼ rí eríga̱ naʼni itáan gaki̱i̱ ná tsu̱du̱u̱ ku̱ba̱ʼ ajndu nákha 1914 (Rí huasjŋgajma Juan 12:9, 12). Agu̱ʼ, ewiʼ, nandii, nda̱jo̱o̱ dí ra̱májánʼ wéñuʼ..., xúgíʼ rígi̱ nawa̱a̱ naʼni mbóó «sinaʼ» rígi̱ nasngájma rí Jesús xtáa raʼtáñajunʼ mangoo xúgíʼ dí rígá náa numbaa iwaa mbiʼi rígá (Mateo 24:3, 7, 8, 12; Lucas 21:10, 11; 2 Timoteo 3:1-5).

5. Nacha̱ máʼ Jesús maʼni jmbi̱i̱n xa̱bu̱ mabriʼti̱i̱n xóo mbáá báxtuu narkuajinʼ mugu̱ ná tsujtunʼ. Xóo «mugu̱» nindxuún bí naguun ki̱dxu̱ʼ ikhaa bí tuniñanʼ mbá kayuʼ, mangoo ikhíínʼ makuwíín kámuu mbiʼi náa tsu̱du̱u̱ ku̱ba̱ʼ. Xóo «tsujtunʼ» nindxuún bí nunigaʼdunʼ Reino ndrigóó Dió (Mateo 25:31-34, 46). Nacha̱ má, Jesús maʼnigambíín xúgínʼ xa̱bu̱ bí xó tsujtunʼ (2 Tesalonicenses 1:6-9). Ámu ikháánʼ nandaaʼ manindxa̱ʼ xóo mbáá «mugu̱» ndrigio̱o̱ Jesús, giʼmáánʼ maraxnatiʼña e̱dxa̱ʼ ajngóó ndrigóó Reino mangoo matani xú rí ejmañaʼ (Mateo 24:14).

6. Mbaʼa wéñuʼ ndawaa kutriga̱ náa tsu̱du̱u̱ ku̱ba̱ʼ mámbá xojin gua̱ʼda̱ mbáá Xa̱bu̱ Ñajunʼ. Rígá xujin rí naguanu nagiʼdu̱u̱n ka̱nikhiin. Mú Reino ndrigóó Dió mariʼkuwíín xúgínʼ Xa̱bu̱ Ñajunʼ náa tsu̱du̱u̱ numbaa. Mbáwii ikhaa bí maxtáa maʼtáñajunʼ náa tsu̱du̱u̱ ku̱ba̱ʼ (Daniel 2:44). Ikhú ní xaríga̱ itáan agu̱ʼ mba̱ʼu̱, ní xuradimijna, ní xuxmijná xa̱bu̱. Xúgínʼ xa̱bu̱ mukuwíín mbó wii, mangoo makuwíín kambáxu̱u̱n (Miqueas 4:3, 4).

7. Índo̱ maxtáa maʼtáñajunʼ Jesús mbá míí tsiguʼ, xa̱bu̱ bí nuni rí májánʼ ná xaguaʼda aʼkhá mangoo xúgíʼ numbaa magutaxi̱i̱ maʼni̱i̱ ku̱ba̱ʼ mitsaan. Índo̱ najkha mambáá mbá míí tsiguʼ Jesús gaʼni xúgíʼ rí Dió nindoo maʼni. Ikhú gaxnáxi̱i̱ Reino náa Anu̱u̱ (1 Corintios 15:24). Ñájunʼ tseratún bí nambáxa̱ʼ májánʼ gajmiánʼ, mangin angianʼ rí gaʼni Reino ndrigio̱o̱ Dió.

[Xtiʼkhu rí na̱ʼkha̱ náa ináa 13]

Índo̱ gaxtáa raʼtáñajunʼ Jesús, ná xarígá rí nawiñunʼ kuyamijná