NÍʼKHÓO 8

Náa numuu nikháñu Jesús rá.

Jesús nikháñu mu ma̱ndoo makuwáanʼ ikháanʼ (Juan 3:16)

Tikhuun gu̱ʼu̱ nuyejxiraʼa náa nibáaʼ Jesús

Ajtsú mbiʼi nda̱wa̱á rí nikháñu Jesús, tikhuun gu̱ʼu̱ ndiyáá rí ní nda̱wa̱a̱ Jesús náa iñáʼ dí nijuaʼdi̱i̱. Jeobá niʼni dí Jesús matuxi̱i̱ mbu̱júu̱.

Jesús nasngájmaminaʼ náa apóstoles ga̱jma̱a̱ nda̱wa̱á najkha̱a̱ mekhuíí

Nguátha mbiʼi Jesús nikujmaa náa apóstoles.

Jeobá niʼni rí Jesús matuxi̱i̱ xóo mbáa espíritu bi̱ gíʼdoo tsiakii ga̱jma̱a̱ rí maxtáa kámuu mbiʼi. Discípulo ndrígóo ndiyáá índo̱ nitanga̱a̱ mekhuíí.

Diúu̱ niʼni rí matuxi̱i̱ Jesús ga̱jma̱a̱ nigíiʼ mu maʼtáñajunʼ náa Reino ndrígóo Diúu̱ (Daniel 7:13, 14)

Asndu náa trono ndrígóo, Jesús naʼtáñajúúnʼ xa̱bu̱ bi̱ kúwá náa Ku̱ba̱ʼ mitsaanʼ

Jesús nixnáximinaʼ xóo tsigijñaʼ ga̱jma̱a̱ numún xa̱bu̱ numbaaʼ (Mateo 20:28). Ga̱jma̱a̱ numuu tsigijñaʼ, ikháanʼ magoo makuwáanʼ kámuu mbiʼi.

Jeobá ndiyáaʼ Jesús mu maʼtáñajunʼ náa tsu̱du̱u̱ Ku̱ba̱ʼ. Ikhaa gajmíi̱n 144,000 xa̱bu̱ bi̱ matuxi̱i̱n manindxu̱ún bi̱ mutañejunʼ mekhuíí náa Reino ndrígóo Diúu̱ (Rí huasjŋgajma Juan 14:1-3).

Índo̱ gáxtáa Reino ndrígóo Diúu̱, Ku̱ba̱ʼ maʼni̱i̱ mitsaan. Ní xárígá aguʼ mba̱ʼu̱, xúgíʼ dí ra̱májánʼ, ewiʼ ga̱jma̱a̱ rí tsingíná. Xa̱bu̱ makuwá gagi wéñuʼ (Salmo 145:16).