KÍXNUU 18

Araxnáxi rí maʼsngúún bi̱ kuwa ikhí

1 Corintios 9:19-23

RÍ NAGÁJNURIYOʼ: Atani rí bi̱ kuwa rudxawan’ mundxaʼwamíjna̱ ga̱jma̱a̱ numuu tema rí xtaa raratá, atani mbuyáá rí kuwa rajmañún na̱nguá nindxu̱u̱ ndíí.

XÚ KÁʼNII GÁTANI:

Atatsaʼwáminaʼ ga̱jma̱a̱ numuu rí nuniʼnuʼ má bi̱ kuwa rudxawanʼ. Raʼkháa rí matangaán maratha rí nidxawíín má nákha ginii, atambáñun mbuyáá tema rúʼko̱ i̱mba̱ núthu.

Arathá nacha̱ rí najmaʼnuuʼ má, mañu gárata ku̱ma̱ rí nuxi̱ʼ.
Atayáá ga̱jma̱a̱ atatsaʼwáminaʼ. Atagíʼ maratha rí tsejmaʼnuʼ wéñuʼ o rí xtáa rarígá rí mbiʼi xúgi̱ mu matasnga̱jmá rí itháan nagájnuriyoʼ. Atatsaʼwáminaʼ májánʼ rí gájma̱ʼ ga̱jma̱a̱ xú káʼnii embánii rí gájma̱ʼ ga̱jma̱a̱ rí nandaʼ maratha.

Índo̱ xtaa ratayáá rí gájma̱ʼ, atatsaʼwáminaʼ ga̱jma̱a̱ atraxi̱mínáʼ “ndíjkha, náa numuu, nguáná, náá minaʼ, tsáa, ga̱jma̱a̱ xú káʼnii”. Atani magajnúu itháan májánʼ índo̱ garasngáa ga̱jma̱a̱ atriʼña tikhuu graxe̱ rígi̱ náa xúgíʼ rí gárata.
Atasngájma ndiéjunʼ eyambáá rí gárata. Arathá xú káʼnii gándoo gambáñun texto ndrígóo Biblia bi̱ kuwa rudxawanʼ náa mbiʼi rí kuwa. Arathá rí narígá, ga̱jma̱a̱ rí ma̱ndoo mambáñun.