KÍXNUU 51
Xóo guʼni rí maʼdxuu Jeobá ga̱jma̱a̱ dí nuʼthá
Índo̱ Jeobá niʼniáanʼlu ikhaa nimináanʼlú mbá dí mitsaanʼ: Ikha nindxu̱u̱ rí majmáánʼ muʼthá. Lá naxmiéjuunʼ ikhaa ga̱jma̱a̱ rí xóo majmuluʼ dí nimináanʼlú rígi̱ xáʼ. ¡Xúʼko̱! (Atraxnuu Santiago 1:26). Xú káʼnii gándoo gajmulú rí majmáánʼ muʼthá mu muʼni dí maʼdxuu Jeobá rá.
1. Xú káʼnii gajmulú májánʼ rí nuʼthá dí nimínáanʼlu Jeobá rá.
Náa Biblia naʼthí: “Ikha jngóo guxnamíjnála tsiakii, gumbáyumijnálá, xó má kuwáanʼ ru̱ni̱” (1 Tesalonicenses 5:11). Lá natatsiniiʼ mbáa bi̱ ndayóoʼ mixnáá tsiakii ráʼ. Lá ma̱ndoo matani ikháán rí maʼni a̱jkiu̱u̱n xáʼ. Á mú xúʼko̱, atani rí mbaʼyoo xa̱bu̱ buʼko̱ dí nandaaʼ xtayáá. Mbáa ma̱ndoo ma̱ra̱ta̱a̱n rí májánʼ dí naʼni ikhaa. Narmáʼáan a̱jkia̱a̱nʼ mbá texto ndrígóo Biblia dí ma̱ndoo maraxnaa tsiakii mbáa bi̱ ikháán natatsiniiʼ ráʼ. Rígá mbaʼa wéñuuʼ texto rí ma̱ndoo matraʼwíí. Xágumaaʼ rí xóo gárata ma̱ndoo maʼni gawúúnʼ eʼwíinʼ. Ikha jngóo ataniminaʼ ma̱ra̱ta̱a̱n ga̱jma̱a̱ ajngá wabaaʼ ga̱jma̱a̱ gamajkhu (Proverbios 15:1).
2. Ndiéjunʼ dí ragíʼmaa muʼtá rá.
Náa Biblia naʼthí: “Xútala ajngáa rí tséjmaa” (atraxnuu Efesios 4:29). Rígi̱ nandoo gáʼthúu̱n rí xúʼthá ajngáa rí tsagaa, rí xkawiiʼ ga̱jma̱a̱ dí maʼni gawúúnʼ eʼwíinʼ. Raʼkháa i̱ndó rúʼko̱, ma̱ngaa ragíʼmaa muʼtá numún eʼwíinʼ ni má rí muʼni xtujtaa (atraxnuu Proverbios 16:28).
3. Ndiéjunʼ gámbáyulú muʼthá ajngáa rí maxnún tsiakii eʼwíinʼ rá.
Ga̱jma̱a̱ xóo nuʼthá nasngájma rí xóo nundxa̱ʼwáá edxu̱lúʼ ma̱ngaa dí xóo nakumulú (Lucas 6:45). Ikha jngóo gíʼmaa muʼni guʼumijnálu rí mundxaʼwáá májánʼ edxu̱lú, xóo muʼthá, rí mundxaʼwamíjna̱ rí jmbu, rí kaʼwu, rí magruigú gamajkhu, rí naʼni marigá ngajua (Filipenses 4:8). Mu ma̱ndoo muʼni rígi̱, gíʼmaa muraʼwíí májánʼ rí ma̱ndoo muʼni gagimijnálu ga̱jma̱a̱ dí muraʼwíin májánʼ bi̱ mambaxúlúʼ gajmiúlú (Proverbios 13:20). Ma̱ngaa, gíʼdoo wéñuʼ numuu mundxaʼwáá edxu̱lúʼ nakha xóo tséʼthá. Guʼnimíjna mbuʼyáá xóo gakumu̱ún eʼwíinʼ dí gúʼthá. Náa Biblia naʼthí: “Xtáa bi̱ tsindxaʼwóo edxu̱u̱ rí maʼthí, naʼni gawúnlú xóo índo̱ narujtáanʼ chídí rí a̱jma̱ inuu, mú, rí nuthi xa̱bu̱ bi̱ nundxa̱ʼwa̱a̱ májánʼ edxu̱ún nindxu̱u̱ xóo rí naʼni thana” (Proverbios 12:18).
GAJMAÑAAʼ ITHÁAN
Guʼyáá xú káʼnii gúʼthá rí manigu̱u̱ʼ Jeobá ga̱jma̱a̱ rí maxnún tsiakii eʼwíinʼ.
4. Atie̱wa̱a̱n xóo marata
Xúgiáánʼ má nuʼthá nguáná dí nda̱wa̱á natanga̱a̱ a̱jkiu̱lú (Santiago 3:2). Guraxnuu Gálatas 5:22, 23 ga̱jma̱a̱ gutamíjnála rígi̱:
Xkáʼnii cualidad rígi̱ gátanda̱ʼa̱a̱ Jeobá ikháán mu matiewa̱a̱n dí gárata ga̱jma̱a̱ xóo naratá rá. Xú káʼnii gámbáyaaʼ cualidad rígi̱ rá.
Guraxnuu 1 Corintios 15:33 ga̱jma̱a̱ gutamíjnála rígi̱:
Lá muniaaʼ marata dí raʼkhí bi̱ nambájxáaʼ gajmiáanʼ ma̱ngaa rí natraʼwíí matani gagiminaʼ ga̱jma̱a̱ ráʼ. Xú káʼnii gaʼni rá.
Ndiéjunʼ gárígá ga̱jma̱a̱ xóo naratá rá.
Guraxnuu Eclesiastés 3:1, 7 ga̱jma̱a̱ gutamíjnála rígi̱:
Nguáná gíʼmaa maguanáaʼ wíí o maraʼti̱i̱n asndu índo̱ gáʼganu mbiʼi marata rá.
5. Arathá rí májánʼ ga̱jma̱a̱ numún eʼwíinʼ
Xú káʼnii gándoo guniʼñááʼ ruʼthá rí maʼni gawúúnʼ eʼwíinʼ rá. Gu̱ya̱a̱ VIDEO ga̱jma̱a̱ gutamíjnála rígi̱:
Náá numuu rí ndxájulú bi̱ ndiʼyáá náa video, nindoo mariʼkhuu dí naʼthí ga̱jma̱a̱ numún eʼwíinʼ rá.
Ndiéjunʼ niʼni mu maʼngo̱o̱ mariʼkuminaʼ xá.
Guraxnuu Eclesiastés 7:16 ga̱jma̱a̱ gutamíjnála rígi̱:
Ndiéjunʼ gíʼmaa marmáʼáan a̱jkiu̱lú índo̱ nandulú muʼthá dí raʼkhí ga̱jma̱a̱ numuu mbáa rá.
Guraxnuu Eclesiastés 7:21, 22 ga̱jma̱a̱ gutamíjnála rígi̱:
Índo̱ mbáa gáʼthí mbá rí tséjmaa ga̱jma̱a̱ numaaʼ, káʼnii gándoo gámbáyáaʼ versículo rígi̱ mu xákiʼnáánʼ rá. Náa numuu rá.
6. Ganindxa̱a̱ʼ májánʼ xa̱bu̱ índo̱ gáratamíjná gajmiáanʼ bi̱ kúwá náa guʼwáaʼ
Jeobá nandoo rí muʼthúún májánʼ bi̱ kúwá náa guʼwúlú ga̱jma̱a̱ ajngáa gua̱ba̱ʼ. Gu̱ya̱a̱ VIDEO ga̱jma̱a̱ gutamíjnála rígi̱:
Ndiéjunʼ gámbáyáaʼ mu marathu̱u̱n ga̱jma̱a̱ ajngáa gua̱ba̱ʼ bi̱ kúwá náa guʼwáaʼ rá.
Guraxnuu Efesios 4:31, 32 ga̱jma̱a̱ gutamíjnála rígi̱:
Xú káʼnii gándoo garatamíjna gajmiáanʼ bi̱ kúwá náa guʼwáaʼ mu makuwáanʼla tsímáá rá.
Jeobá niʼthí rí naku̱mu̱u̱ ga̱jma̱a̱ numuu Jesús. Guraxnuu Mateo 17:5 ga̱jma̱a̱ gutamíjnála rígi̱:
Xú káʼnii gándoo gatayaridáá Jeobá ikháán índo̱ garatamíjna gajmiáanʼ bi̱ kúwá náa guʼwáaʼ rá.
Atayáá náa dí májánʼ eni̱ eʼwíinʼ mu xúʼko̱ ma̱ndoo marathu̱u̱n rí májánʼ nini.
RÍ NUTHI TIKHUN: “Ikhúún natha xó má ku̱mu̱ʼ. Á mu eʼwíinʼ tsénigu̱u̱nʼ, ndíí lá eʼniuʼ ikhúún”.
Lá xúʼko̱ má tatsaʼwáminaʼ mangáánʼ rá. Náá numuu rá.
RÍ NAGÁJNURIYO̱O̱ʼ
Ajngáa rí nuʼthá gíʼdoo wéñuuʼ tsiakii, ikha jngóo gíʼdoo wéñuuʼ numuu rí mundxaʼwáá májánʼ edxu̱lúʼ ndiéjunʼ guʼtá, nguáná guʼtá ga̱jma̱a̱ xú káʼnii guʼtá.
Rí nijmañaaʼ
Xú káʼnii gándoo gájmaaʼ ajngáaʼ mu matambáñun eʼwíinʼ rá.
Xú káʼnii ajngáa dí ragíʼmaa muʼtá rá.
Ndiéjunʼ gámbáyulú muʼtá ajngáa gua̱ba̱ʼ ga̱jma̱a̱ rí maxnúún tsiakii eʼwíinʼ rá.
ATAYÁÁ ITHÁAN
Ndiéjunʼ gándoo gámbáyulú muʼtá ajngáa rí májánʼ dí maxnún tsiakii eʼwíinʼ rá.
Gúʼthá xóo ethi xa̱bu̱ bi̱ nundxa̱ʼwa̱a̱ májánʼ edxu̱ún (8:09)
Atayáá ndiéjunʼ gándoo gámbáyaaʼ mu xárata ajngáa rí tséjmaa.
“Ndiéjunʼ gárígá á mu nuʼthá ajngáa rí tséjmaa rá.” (Artículo dí rígá náa jw.org)
Atayáá rí ma̱ndoo mambáyaaʼ mu xáxpátriguíin marata dí raʼkhí ga̱jma̱a̱ numún eʼwíinʼ.
Atayáá xú káʼnii rí Jeobá nimbáyúu mbáa xa̱bu̱ mu maniñuuʼ raʼthí ajngáa rí tséjmaa.
“Nigíʼdu̱u̱ nindxa̱ʼwa̱mínáʼ xóo phú eyoʼ maxtáá” (Bi̱ Nayejngoo, 1 ñajunʼ gu̱nʼ agosto tsiguʼ 2013)