Gakruaʼaaʼ xtayáá

Dí niʼni Jesús

VIDEO: Jesús nagáwiinʼ a̱jkiu̱u̱n índo̱ ndaʼñún mbaʼin xa̱bu̱

1. Atayáá VIDEO o atraxnuu Marcos 6:​30-34. Nda̱wa̱á atayáá graxe̱ rígi̱:

1. Náá numuu dí Jesús gajmíi̱n apóstoles ndrígóo nigún náa “ma̱ndoo makuwá ndajkuíín” rá.

2. Ndiéjunʼ nixkaxi̱i̱ Jesús maʼtárúʼún mbaʼin xa̱bu̱ rá.

Ndiéjunʼ ejmañulúʼ náa xkridoo Jesús rá.

2. Índo̱ nakru̱ʼu̱lú kuʼñúún eʼwíinʼ, naxmiéjunlú gajkhun kuʼñúún xa̱bu̱ raʼkháa i̱ndó dí muʼsngúún ajngáa dí na̱jkua̱ kuʼyúlú.

Atayaridáá Jesús

3. Atadxawíín májánʼ. Atatsiñááʼ dí xa̱bu̱ maʼthí ga̱jma̱a̱ xátrujturígú dí naʼthí. Á mu gíʼdoo dí maʼthí o naʼtháanʼ xóo ku̱mu̱u̱ ga̱jma̱a̱ ndiéjunʼ eʼni maxmiéjuunʼ, atadxawíín májánʼ dí xtáa raʼthí. Á mu natadxawíín, xa̱bu̱ maʼga̱nú mbaʼyoo dí ikháán naxmiéjuanʼ xtayáá.

4. Atatsaʼwáminaʼ ga̱jma̱a̱ numuu xa̱bu̱. Garmáʼáan a̱jkia̱a̱nʼ dí nitamijnála ga̱jma̱a̱ atrajxi̱mínáʼ:

1. “Ndíjkha ndayóoʼ maninuuʼ dí naʼsngáa náa Biblia xá.”

2. “Xú káʼnii gámbáyúu maxtáa májánʼ mbiʼi xúgi̱ ga̱jma̱a̱ nda̱wa̱á á mu naninuuʼ dí gajkhun xá.”

5. Gajmaaʼ i̱yi̱ʼ dí mambáyúu xa̱bu̱. Wapháá má gátasngajmáá xú káʼnii gámbáyúu dí miʼsngáá numuu Biblia maxtiʼña̱a̱ graxe̱ ndrígóo ma̱ngaa dí mbaʼa enii xóo gámbáyúu.