Gajmañaaʼ marataráʼa májánʼ: Atagíʼdi̱i̱ marataráʼa náa kúwi̱i̱n xa̱bu̱

Ndíjkha rí gíʼdoo wéñuʼ numuu. Índo̱ na̱jkua̱ gúʼtaraʼa náa mámbá guʼwá, kuwa xa̱bu̱ bi̱ na̱nguá xú muʼthúún numuu rí nda̱wi̱i̱n náa guʼwún. Mú, mbáa muxkamii náa nagún ga̱jma̱a̱ carro, náa clínica, índo̱ nduya̱a̱ xúnʼ náa nuñajunʼ o índo̱ nagájnún recreo bi̱ nunigajmaa. Jeobá nandoo rí xúgínʼ xa̱bu̱ bi̱ kuwa náa tsu̱du̱u̱ ku̱ba̱ʼ mudxawíín ajngáa ndrígóo Reino (1 Tim. 2:3, 4). Mu mugíʼdi̱i̱ muʼtáraʼa ndayóoʼ rí ikháanʼ mugíʼdi̱i̱ muʼthá ginii.

Xú káʼnii gúʼni:

Atañíinʼ xa̱bu̱ bi̱ maʼndún mudxuun. Lá nakujmaa rí májánʼ a̱jkiu̱u̱n xa̱bu̱ ga̱jma̱a̱ rí nandoo maʼni cuento xáʼ. Lá nandoo nutamíjná májánʼ ráʼ. Tikhun publicadores ginii nduyáá xa̱bu̱ ga̱jma̱a̱ á mu xtáa gagi. Á mu xa̱bu̱ nanduʼwá, ikhú ma̱ndoo mugíʼdi̱i̱ mutamijná gajmiún.
Á mu natayáá rí namíñaʼ aratakháñii Jeobá mañu (Neh. 2:4; Hech. 4:29).
Ginii atagíʼdi̱i̱ matraxi̱i̱ xa̱bu̱. Jesús na̱nguá nigíʼdu̱u̱ niʼthúu̱n ginii ga̱jma̱a̱ numuu Reino a̱ʼgu̱ samaritana (Juan 4:7). Nguáná ma̱ndoo marata̱ mbá rí maʼni maxtáa májánʼ xa̱bu̱, xó má: “Ra̱ʼkhá tháán májánʼ rí kuwa runi e̱jña̱ʼ”. Ma̱ngaa ma̱ndoo majmaʼ graxe̱: “Lá nitayáá noticia rí nikrújngoo wakhííʼ ráʼ.”
Nda̱wa̱á rí nitagíʼdi̱i̱ niratháán, atayáá xú káʼnii gándoo maratha̱a̱n ajngáa ndrígóo Reino, mú xárata nacha̱ wéñuʼ. Mbáa ma̱ndoo marata̱ mbá rí manigu̱ʼ maʼdxun xa̱bu̱ ga̱jma̱a̱ rí maʼniuu maraxe̱. Mbá xkri̱da, á mu xtaa raratháán ga̱jma̱a̱ numún xa̱bu̱ bi̱ kuwa mbá guʼwíin, ma̱ndoo maratha̱a̱n: “Nigúxnuu mbá consejo rí xú káʼnii matani mbanuu e̱ji̱n rí nañambá má xúʼko̱”. Á mu kuwáanʼ rutha ga̱jma̱a̱ numuu mbá noticia, ma̱ndoo marata̱: “Ndiʼkhún nigúxnuu mbá noticia rí májánʼ rí niʼni maxtáá gagi”. Xáraxtaa gíná á mu xa̱bu̱ tsíyoo gáʼdxuun nákha xóó tsiratháán ga̱jma̱a̱ numuu Reino ndrígóo Dios.
Ayédxuʼ tratado o i̱ʼwáʼ i̱yi̱i̱ʼ rí ma̱ndoo maraxnu̱u̱n xa̱bu̱ bi̱ nandún mudxuun.

Atagíiʼ matani rígi̱ rí mbá gu̱nʼ: