Xú káʼnii maraxnaxí i̱yi̱i̱ʼ

Bi Nayejngoo 1 gu̱nʼ enero

“Lá natatsaʼwáminaʼ rí numbaaʼ rígi̱ maʼni itháan májánʼ á mu xúgínʼ xa̱bu̱ gúni rígi̱ ráʼ. [Atraxnuu Hebreos 13:18 ga̱jma̱a̱ atatsíñaʼ rí xa̱bu̱ mariʼña̱a̱]. Náa Biblia naʼthúlúʼ dí gíʼmaa muʼni má xúʼko̱ rí jmbu. Revista Bi̱ Nayejngoo rí kaʼyoo gu̱nʼ rígi̱ naʼthí dí á mu nuʼni rí jmbu mambáyulúʼ asndu ndiéjunʼ má dí gúʼni.”

Ajngáa rí májánʼ na̱ʼkha̱ náa Dios

“Kuwáanʼxu ruñu̱u̱n mbégu̱ʼ xa̱bu̱ mu musngajmúnxu xú káʼnii munigajmaa Biblia. Folleto rígi̱ na̱ʼkha̱ 15 kíxnuu náa nasngájma dí náa Biblia ma̱ndoo maxtiʼña̱a̱ graxe̱ dí gíʼdoo wéñuʼ numuu. [Atasngájmáá xa̱bu̱ inuu ga̱jma̱a̱ náa námbáa folleto.] Lá nitagíʼ mbá míʼtsú makruaʼaʼ rí eʼthí náa Biblia ráʼ. [Atatsíñaʼ rí xa̱bu̱ mariʼña̱a̱.] Atatsíñuʼ masngajmáʼ dí ra̱mingíjyúuʼ nindxu̱u̱ kíxnuu. [Atayááʼ kíxnuu 3 ga̱jma̱a̱ atayáá timbá kutriga̱ ndrígóo graxe̱ 3. Nda̱wa̱á atraxnuu Revelación 21:4, 5. Á mu nandoo, atraxnuu imbo̱o̱ kutriga̱ ga̱jma̱a̱ texto dí tima ikhí.] Ma̱ndoo maguanáʼ ga̱jma̱a̱ folleto. Nutha̱a̱nʼxu dí matanigajmaa maski ajndu mbóó kíxnuu. Á mu nanigua̱ʼ ma̱ndoo matanigajmaa má xúʼko̱. Imbo̱o̱ míʼtsú, ma̱ndoo muʼnigajmaa kíxnuu 1 dí kayá mbá ináa.”