Rí xú káʼnii majmaʼ JW Library

MU MATANIGAJMAA:

• Araxnuu Biblia ga̱jma̱a̱ texto rí kaʼyoo mámbá mbiʼi.

• Araxnuu Anuario, revistas ga̱jma̱a̱ eʼwáʼ i̱yi̱i̱ʼ. Gajmaʼ “Marcadores” mu matsimaʼnííʼ.

• Atanigajmaa̱ rí mbiʼyáá náa reunión ga̱jma̱a̱ atanííʼ rí kaxtiʼña̱a̱.

• Atayáá videos.

NÁA REUNIÓN:

• Atayááʼ textos ndrígóo Biblia rí naʼthí bi̱ naxná discurso. Gajmaʼ náa naʼthí “Historial” mu matangaán náa mbá texto rí nitraxnuu nákha ginii.

• Mu xájngruigaʼ xta̱ʼ wéñuʼ libros, gajmaʼ JW Library mu ma̱ta̱ya̱a̱ rí najuiʼthá náa reunión ga̱jma̱a̱ matani ajmúú. Aplicación rígi̱ gíʼdoo má ajmúú nuxi̱ʼ rí xóó nda̱a̱ náa cancionero.

NÁA NUʼTÁRAʼA:

• Á mu nuxkamaa mbáa xa̱bu̱ bi̱ nanigu̱u̱ʼ maʼdxun, atasngájmáá mbá dí na̱ʼkha̱ náa JW Library ga̱jma̱a̱ atambáyii marígú aplicación ga̱jma̱a̱ tikhuu i̱yi̱i̱ʼ náa dispositivo electrónico ndrígóo.

• Gajmaʼ náa naʼthí “Buscar” mu mataxkamaa mbá texto ndrígóo Biblia i̱ndó ndayóoʼ mataniraʼmáʼ mbá ajngáa.

• Atasngájma mbóo video. Á mu xa̱bu̱ gíʼdiin e̱ji̱i̱n, ma̱ndoo matasnga̱jmá mbá video rí na̱ʼkha̱ náa Gambaxáʼ ga̱jma̱ʼ Jeobá. Ma̱ngaa ma̱ndoo matasnga̱jmá video Náa numuu rí gíʼmaa muʼnigajmaa Biblia rá. Mu maʼndoo marasngáá ga̱jma̱a̱ numuu Biblia. Á mu naʼthí imbo̱o̱ ajngáa, atayááʼ video náa ajngáa rúʼko̱.

• Atasngájmáá mbáa xa̱bu̱ mbá versículo ndrígóo Biblia náa imbo̱o̱ ajngáa dí nitrígú nákha wapháá. Atayááʼ versículo, ayuʼ náa número ga̱jma̱a̱ nda̱wa̱á náa botón náa masngájmaʼ i̱ʼwáʼ ajngáa.