XÓO KUWÁANʼ BI̱ NI̱NDXU̱LÚ CRISTIANOS
Ganigua̱ʼ marataráʼa ajngáa májánʼ
Lá naʼniaʼ mingíjyúuʼ nguáná magajnáaʼ gárataráʼa ráʼ. Ra̱ʼkhá i̱ndó ikháánʼ, mbaʼin naguaʼnii xúʼko̱. Mbáa numuu rí nuraʼníí dí ra̱májánʼ nuni xa̱bu̱, o mbáa naʼniulú mingíjyúuʼ muʼtámíjná gajmiúlú bi̱ tsíninunʼ. Rúʼko̱ naʼni rí xakuwálú gagi. Mú nuʼni ñajunʼ mbáa Dios gagi, bi̱ nandoo muʼni ñajunʼ ga̱jma̱a̱ gagi (Sl 100:2; 1Ti 1:11). Ikha jngó, Xú káʼnii ajtsú numuu kuaʼdáá mu manigulúʼ muʼtáraʼa rá.
Timbá numuu rí na̱jkua̱ kuʼyúlú ajngá rí maʼni a̱jkiu̱ún xa̱bu̱. Maski ajndu mambá mbiʼi nándáa rí kuáʼti̱i̱n, ma̱ndoo muʼni gagi a̱jkiu̱ún ga̱jma̱a̱ “ajngáa májánʼ dí marigá nda̱wa̱á” (Isa 52:7). Ajngáa rí májánʼ numuu Reino ndrígóo Dios ma̱ngaa ma̱ndoo maʼni makuwáanʼ gagi mangáanʼ. Nakha xóo tsígajnulú muʼtáraʼa, atríyaʼ nguáthá minutos mu matatsaʼwaminaʼ rí májánʼ gáʼkha̱ kayóo Reino náa tsu̱du̱u̱ Ku̱ba̱ʼ.
Raga̱jma̱ nindxu̱u̱ rí ajngáa rí na̱jkua̱ kuʼyáá nambáñun xa̱bu̱ makuwá májánʼ ga̱jma̱a̱ rí mambáxu̱u̱n gajmiún Dios. Naʼngu̱u̱n nuniñanʼ dí ra̱májánʼ ga̱jma̱a̱ nuni rí ma̱ndoo makuwá kámuu mbiʼi (Isa 48:17, 18; Ro 1:16). Gundxaʼwámijna rí ni̱ndxu̱lú bi̱ naʼni káwíin xa̱bu̱, maski ajndu kuwa xa̱bu̱ bi̱ tsiñún maguma káwíin, xuniñánʼ ruñinʼ bi̱ gajkhun nandún makáwíin (Mt 10:11-14).
Dí ragajtsú gíʼdoo itháan numuu: Rí muʼtáraʼa ndaʼyamajkuu Jeobá. Ikhaa ndaʼyoo rí gíʼdoo wéñuʼ numuu ñajunʼ rígi̱ (Isa 43:10; Heb 6:10). Ikhaa asndu naxnúlú xi̱ʼ kaʼwu ndrígóo mu maʼngulú muʼnimbánii ñajunʼ rígi̱. Ikha jngó, gunda̱ʼa̱a̱ rí maxnúlúʼ gagi rí na̱ʼkha̱ náa xi̱ʼ kaʼwu (Gál 5:22). Rí Jeobá xtáa ga̱jma̱a̱ ni̱ndxu̱lú, maʼni rí xámiñulu muʼtáraʼa (Hch 4:31). Rúʼko̱ gaʼni rí asndu xú káʼnii xóo guriʼña xa̱bu̱ náa territorio, manigulúʼ rí muʼnimbánii ñajunʼ rí kuaʼdáá (Eze 3:3).
Xú káʼnii ganigua̱ʼ magajnáaʼ gárataráʼa rá. Xú káʼnii gándoo gatasngajmá rí xtaa gagi rá.
NDA̱WA̱Á RÍ NDIʼYÁÁ VIDEO NIXTÁA GAGI MBU̱JÚU̱ʼ RÍ MANI ÑAJUNʼ JEOBÁ, ATRIʼÑA GRAXE̱ RÍGI̱:
Ndíjkha rí gíʼmaa muʼnigajmaa májánʼ maski ajndu nuʼtáraʼa mbaʼa hora rí mbá gu̱nʼ rá.
Xú káʼnii gándoo guʼyaridáá María rá.
Nguáná etatsaʼwáá e̱dxa̱a̱ʼ rí naʼthí Ajngá rawunʼ Dios rá.
Ndiéjunʼ rí nanigua̱ʼ itháán índo̱ narataráʼa ajngáa májánʼ rá.